Қысыммен салқындай пісіру

Қысыммен салқындай пісіру - металлдарды (қорытпаларды) қыздырмай-ақ қысым арқылы молекулалық күштер әсері негізінде біріктіру тәсілі.

Қысыммен салқындай пісіру әдісі

Металдардың пісірілетін жапсарына пластикалық деформация тудыратындай шамадағы қысым түсіріледі. Осының нәтижесінде пісірілетін жапсарлардың беті тотықтан арылады әрі молекулалық күштер әсер ететіндей аралыққа жақындайды. Осы күштердің әсерінен металдардың жапсарлары өзара бірігеді. Қысыммен салқындай пісіру тәсілімен алюминий және оның кейбір қорытпалары, қорғасын, қалайы, мыс, никель, күміс жіне әртекті металдарды пісіруге болады. Қысыммен салқындай пісіру кезінде металл жапсарларының құрылымы өзгеріске ұшырамайды. Бұл әдіс тұрмыстық қыздыру құралдарын жасауда, электр техникасында пайдаланылады.