Құмкент ауылдық округі

Құмкент ауылдық округіТүркістан облысы Созақ ауданындағы әкімшілік бірлік.

Қазақстан ауылдық округі
Құмкент ауылдық округі
Облысы

Түркістан облысы

Ауданы

Созақ ауданы

Округ орталығы

Құмкент

Енеді

2 ауыл

Тұрғыны (2009)

3333

Уақыт белдеуі

UTC+5:00

Автомобиль коды

13

Әкімшілік құрамы өңдеу

Құрамына Құмкент, Қызылкөл ауылдары кіреді. Орталығы – Құмкент ауылы.[1] Округ құрамында болған Қызылқанат ауылы 2017 жылы таратылған.[2]

Халқы өңдеу

2009 жылғы санақ қорытындысы бойынша округтегі халық саны 3333 адамды құрады.[3]

Ауыл бөлімшелері өңдеу

2 орта мектеп, 1 емхана, 1 ФАП, 1 балабақша, 2 ауылдық клуб, 2 кітапхана, 2 қазпошта бөлімшесі, байланыс бөлімшесі, телестанциясы бар.

Ауыл әкімшілігі колхоздары өңдеу

Құмкентте 1928 жылы “Құмкент”, “Қызылқанат”, “Қызылкөл”, “Тасарық”, “Құрсай” деген колхоз ұйымдастырылған. Колхоздардың шаруашылық жұмыстарын ұйымдастырып, халықтың әл-ауқатының артуына колхоз бастықтары болған Асқанбеков Балабек, Есіркепов Жүсіпбек, Сатиев Рахыш, Жайлаубаев Байтемір, Айқожаев Бұзау, Асқаров Рахыш, Нұрлыбаев Бердібай, Балтабаев Омар, Қалдыбаев Жапан, Ақпанбетов Қуаныш, Иманбердиев Кенбай т.б. өз үлестерін қосты.

1957 жылы бірінші наурызында 5 колхоз бірігіп кеңшар (совхоз) болған. Бұл халықтың 1 жерге топтасып орнығуына, әл-ауқатының артуына көп әсерін тигізді. Кеңшар 70000-ға дейін қой өсіріп, 3000 гектарға дейін арпа, 400 гектарға дейін жүгері дақылын өсіруге қол жеткізді. 1994 жылы кеңшар таратылып, соның негізінде қазіргі уақытта бір өндірістік кооператив, бір ЖШС, 31 шаруа қожалығы жұмыс істейді.

Ауылдық кеңесінің төрағалары өңдеу

Құмкент ауылдық кеңесінің төрағалары болып Сопиев (1950-1954 жылдары), Салхауов (1954-1956 жылдары), Темірәлиев (1956-1958 жылдары), Ілегенов Сексенбай (1958-1960 жылдары), Бергенов Кенжеғұл (1960-1965 жылдары), Атенов Мелдебек (1965-1974 жылдары), Саметов Досбол (1974-1983 жылдары), Құсмашов Аманкелді (1983-1986жылдары), Айтбаев Жайлау (1986-1994 жылдары) қызмет атқарды. Құмкент ауыл әкімдері болып Айтбаев Жайлау (1994-1995 жылдары), Тілепов Исатай (1995 жылы), Төлбаев Жанәділ (1995-2004 жылдары) қызмет атқарды. 2004 жылдан бері Айдарбеков Болат ауыл әкімі болып келеді.[4]

Дереккөздер өңдеу

  1. «Қазақстан»: Ұлттық энциклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл. ISBN 5-89800-123-9, Х том.
  2. Созақ ауданының кейбір елді мекендерін есепті деректерден шығару туралы
  3. 2009 жылғы Қазақстан Республикасы халқының Ұлттық санағының қорытындылары. Астана 2011. 1 том Мұрағатталған 14 мамырдың 2019 жылы.
  4. Шолаққорған-2008 кітабі. “ЖЕБЕ” баспа үйі 2008 жыл.