Құмкөл (көл, Құланөтпес алабы)

Құмкөл — Құланөтпес алабындағы тұйық көл.

Құмкөл
Морфометрия
Теңiз деңгейiнен биіктігі	400,5 м
Өлшемі	4,9 × 2,8 км
Ауданы	9,1 км²
Көлемі	16 млн км³
Жағалау сызығының ұзындығы	13 км
Орташа тереңдігі	2,5 м
Су алабы
Суды жинау ауданы	107 км²
Орналасуы
Ел	Қазақстан
Аймақ	Қарағанды облысы
Аудан	Нұра ауданы

Географиялық орны

Қарағанды облысы Нұра ауданының орталық бөлігінде тұйық көл. Нұра кентінен оңтүстік-шығысқа қарай 22 км жерде, теңіз деңгейінен 400,5 м биіктікте орналасқан.

Гидрографикасы

Көлдің ауданы 9,1 км², ұзындығы 4,9 км, ендірек жері 2,8 км. Орташа терендігі 2,5 м, жағалау сызығының ұзындығы 13 км. Су жиналатын алабы 107 км² (70%-і жыртылған), су көлемі 16 млн м³. Судың ең биік деңгейі — сәуірде, ең төменгісі - қазанда. Су деңгейінің жыл бойғы ауытқу мөлшері 0,6 м. Түбі лайлы. Мұзы қарашаның соңында қатады, сәуірдің 2-жартысында түседі.

Жағалау сипаты

Көл жағалауында қамыс, қоға өскен. Онда үйрек, қаз және басқа құстар ұялайды. 1978 жылдан бастап көл суда жүзетін құстарды көбейту учаскесі болып табылады (аңшылыққа тыйым салынған). Сондай-ақ ондатр қоныстандырылды. Көлде күміс табан балық өседі. Суы жұмсақ, тұщы, шамалы сілтілі, негізінен мал суаруға пайдаланылады.