Құрманғазы (қыстау)

Құрманғазы — Тайсойған құмының солтүстік-шығысындағы қыстау.

Атырау облысы, Қызылқоға ауданы, Миялы ауылының оңтүстігінде 10 км жерде, Ойыл өзенінің аңғарында орналасқан. Батысынан Жарыпшыққан өзені ағады. Солтүстік-шығысында Тереңқұдық жайлауы, оңтүстік-шығысында Жырақұдық қыстауы жатыр. Құмды, сортаң топырақ жамылғысында жусан, еркек шөп, ақ селеу, шағыр, бұйырғын, жүзгін, теріскен, т.б. өседі. Көктем-жаз айларындағы мал жайылымы.