Құрман Дияров

Дияров Құрман (10.11. 1910, Теректі ауданы, Еңбек ауылы — 8.7.1970) - мемлекет қайраткері. Орал ауыл шаруашылық техникумын бітіргеннен кейін зоотехник, 1938 ж. Батыс Қазақстан совхоздар тресі директорының орынбасары, 1938 ж. облысы атқару комитеті төрағасының орынбасары болды. 1942 ж. Қазақстан совхоздары халық комиссарының орынбасары, 1943 ж. Алматы облысы атқару комитетінің төрағасы, 1944 ж. ҚКСР Министрлігі Кең. төрағасының орынбасары, 1946 ж. Павлодар облысы атқару комитетінің төрағасы, 1952 ж. ауыл шаруашылық министрінің орынбасары, 1960 ж. ҚКСР совхоздары министрінің 1-орынбасары, Тың өлкесі өлкелік басқармасы бастығының 1-орынбасары қызметтерін атқарды. 1965 ж-дан Мемлекеттік жоспарлау комитетінің төрағасы болды. Көптеген ғылым мақалалардың, монографиялық еңбектің авторы. «Құрмет Белгісі≫, 4 рет Еңбек Қызыл Ту орденімен, бірнеше медальмен марапатталған.