Құройыл
Құройыл – Ойыл алабындағы өзен.
| Құройыл | |
|---|---|
| Сипаттамасы | |
| Ұзындығы | 130 км |
| Су ағысы | |
| Бастауы | Ойыл өзені |
| Сағасы | Тоғыз көлі |
| • Координаттары | 48°35′20″ с. е. 52°44′09″ ш. б. / 48.58889° с. е. 52.73583° ш. б. (G) (O) (Я)Координаттар: 48°35′20″ с. е. 52°44′09″ ш. б. / 48.58889° с. е. 52.73583° ш. б. (G) (O) (Я) |
| Орналасуы | |
| Ел | Қазақстан |
| Аймақ | Атырау облысы Қызылқоға ауданы |
Географиялық орны өңдеу
Атырау облысы Қызылқоға ауданы жерімен ағады.
Сипаттамасы өңдеу
Ұзындығы 130 км, жалпы ұзындығы 18 км болатын 3 саласы бар. Ірісі – Тіксай. Қоныстану ауылынан төменде (Сырым қыстауы маңында) Ойыл өзенінен бөлініп шығып, Тоғыз көліне құяды. Арнасында жыл бойы дерлік су болады. Құройылдың сол жағалауынан (Ақши қыстауы маңында) Шеткөл тармағы бөлініп шығып, Қарабау ауылына жетпей сорға сіңіп кетеді. Орта және төменгі ағысында көптеген, шағын көлдер жатады.
Арнасы өңдеу
Өзен арнасы төбелі құмдар, жазық сортаң жерлерімен өтеді. Осыған байланысты суы біршама ашқылтым келеді. Өзен бойында бірнеше елді мекендер орналасқан. Алабы мал жайылымына және шабындыққа пайдаланылады.[1]
Дереккөздер өңдеу
- ↑ Қазақстан табиғаты 5 -том. «Қазақстан энциклопедиясы» Алматы, 2013 ISBN 996978-601-7472-15-3