Құрылыс өндіріс технологиясы

Құрылыс өндіріс технологиясы — құрылыс-құрастыру жұмыстарын орындау әдістерінің жиынтығы, осы әдістердің тиімді жолдарын зерттейтін ғылыми пән. Құрылыс өндіріс технологиясы құрылысқа пайдаланылатын материалдар мен шала өнімдердің түріне (топырақ, тас, бетон және темірбетон, ағаш) немесе тұрғызылатын құрастырымдық элементтердің түріне (құрылыс құрастырымын құрастыру, қада қағу, шатыр жабу, оқшаулау, т.б. жұмыстар) қарай алуан түрлі технологиясы үдерістерге бөлінеді.

Құрылыс өндіріс технологиясындағы үдерістер әр түрлі жұмыстардан, ал бұл жұмыстар өз кезегінде түрлі әдістерден құралады. Үйлер мен ғимараттар, т.б. құрылыстар салу үшін оның жер асты, жер үсті бөліктерін тұрғызуға арналған құрылыс-құрастыру және өңдеу жұмыстары орындалады.