Үй-жай шаруашылығының (коммуналдық) ағындары

Үй-жай шаруашылығының (коммуналдық) ағындары - қалалар мен басқа да елді мекендердің ластағыш заттектері көп ағындылары. Үй-жай шаруашылығы ағындыларының құрамында зәрнәжісті сулардан басқа да едәуір мөлшерде зиянды қоспалар бар, олар тұрмыста химиялық заттарды пайдаланудан, тамақ өнеркәсібінің кәсіпорындарынан, қоғамдық тамақтану орындарынан, сауда орындарынан келіп түседі. Үй-жай шаруашылығы ағындыларында ауру қоздырушы микробтар мен вирустардың және гельменттердің жұмыртқаларының болуы бұл суларды аса қауіпті етеді. Үй-жай ағындылары біркелкі құйылмайтындығымен ерекшеленеді, сонысымен қоса канализация құбырла- рының жұмысын қиындатады. Елді мекендер жауын-шашын мен қар еру кездерінде көшелер мен кәсіпорындардың аулаларынан ағатын лас сулармен су көздерін қосымша былғайды. Оларда мұнай шикізатары және басқа да арнайы ластаушылар болады.