Үрпаш Жәнияқызы Шалболова

Үрпаш Жәнияқызы Шалболова (21.11.1960, Қызылорда облысы Қазалы ауданы Әйтеке би ауылы) – экономика ғылымдарының докторы (2004).

Саратов политехникалық институтын бітірген (1983). Байқоңыр ғарыш айлағындағы әскери бөлімшеде экономист (1983–1984). Жамбыл гидромелиорациялық-құрылыс институты (қазіргі Тараз мемлекеттік университеті) Қызылорда бөлімшесінде оқытушы (1984–1988), Мәскеу қаласындағы ғылыми-зерттеу институтында аға ғылыми қызметкер (1992–1993). 1993 жылдан Қызылорда педагогика институтында (қазіргі Қызылорда мемлекеттік университеті) аға оқытушы, әдіскер, кафедра меңгерушісі, декан, доцент, ғылыми жұмыстар жөніндегі проректор қызметтерін атқарады.

«Развитие рынка углеводородного сырья в Республике Казахстан: теория, практика, приоритеты» тақырыбында докторлық диссертация қорғады. 80-нен астам ғылыми жарияланымның авторы.