Үстелім / Үстеме ақы - қосымша ақы (сома, мөлшер, сыйлықақы, т. б. Қызметтің түрлі аяларындағы құндық көрсеткіштерге үстелімнің алуан түрлері бар. Мемлекеттік салықтарға үстелім салықтардың қосымша сомасы, ол мемлекеттік салықтарға белгілі бір үлесте белгіленіп, жергілікті бюджеттерге түседі. Нарықтық экономикасы дамыған елдерде жергілікті бюджеттердің шығысын өтеуге қосымша ресурстарды жұмылдыру үшін кеңінен қолданылады. Кеден бажына кеден бажын тез көтеру күрделі немесе мүмкін болмаған жағдай да бір жолғы шара ретінде қолданылады, кейде үлттык экономика тауарларының бәсекеге жарамдылығын қолдау, ішкі нарық импорттан қорғау үшін қазыналық және саяси мақсатпен қолданылады. Халықаралық сауда практикасын "Үстелім" термині екі мәнде қолданылады.: біріншісі — бір елдің валютасын екінші елдің валютасына айырбастау кезінде төленетін "сыйлықақы"; екіншісі — түрлі елдердің валюталарын айырбастау кезіндегі арасалмақ.[1]

Дереккөздер өңдеу

  1. Қаржы-экономика сөздігі. — Алматы: ҚР Білім және ғылым министрлігінің Экономика институты, «Зияткер» ЖШС, 2007. ISBN 978-601-215-003-2