Ұзынқарғалы
Ұзынқарғалы, Қарғалы - Іле алабындағы өзен.
| Ұзынқарғалы өзені | |
|---|---|
| Сипаттамасы | |
| Ұзындығы | 128 км |
| Су алабының ауданы |
1070 км² |
| Су алабы | Іле |
| Су ағысы | |
| Бастауы | Іле Алатауының солтүстік беткейіндегі Құмбел асуындағы мұздық |
| Сағасы | Күрті өзені |
| Орналасуы | |
| Ел | Қазақстан |
| Аймақ | Алматы облысында Қарасай, Жамбыл аудандары |
Географиялық орны өңдеу
Алматы облысында Қарасай, Жамбыл аудандары жерімен ағады. Ұзындығы 128 км, су жиналатын алабы 1070 км2.
Бастауы өңдеу
Іле Алатауының солтүстік беткейіндегі Құмбел асуындағы мұздықтан басталып, Қарасай ауданында Күрті өзеніне құяды. Ірі салалары - Майбұлақ, Шымбұлақ, т.б.
Гидрологиясы өңдеу
Аңғары тік жарлы, шатқалды, ені 300 м, жарқабағының биіктігі 30-40 м. Жайылмасы сол жағалауында ғана, ені 30-80 м, арнасы түзу дерлік, ені 10 м. Жауын-шашын, жазда еріген көп жылдық қар, мұздық суымен толығады. Көп жылдық орташа су ағымы Қарғалы кенті тұсында секундына 3,50 м3. Сағасынан 64 км жерде бөген салынған, 4 канал тартылған, бойында бірнеше шағын СЭС салынған. Егістік суаруға, елді мекендердің мұқтажына пайдаланылады.[1]
Дереккөздер өңдеу
- ↑ Жетісу энциклопедия. - Алматы: «Арыс» баспасы, 2004 жыл. — 712 бет + 48 бет түрлі түсті суретті жапсырма. ISBN 9965-17-134-3