Ұлтабарұшы бездері

Ұлтабарұшы бездері (дуоденальные железы); (glandula duadeni, лат. glandula — без, duadenum — ұлтабар ұшы, 12 елі ішек) — ұлтабар ұшы (күйіс қайтаратын жануарларда осылай аталады, басқа жануарлар мен адамда 12 елі ішек деп аталады) ішегі кілегейлі асты негізде орналасқан құрылыс жағынан қабырғалық асқорыту безі. Олар күрделі түтікше немесе көпіршікше-түтікше бездер. Без қабырғасы секрет бөлу кезеңіне байланысты биік немесе аласа эпителий жасушаларынан тұрады. Без өзектері 12 елі ішек кілегейлі қабығының ішкі бетіне, бүрлер аралығына ашылады. Бездің кілегейлі сөлі көмірсуларды ыдыратуға, асқазан сөлінің қышқыл реакциясын бейтараптандыруға қатысады.