Ұлттық баскетбол қауымдастығы

Ұлттық баскетбол қауымдастығы, ҰБҚ (ағылш. National Basketball Association, NBA) — Солтүстік Американың (АҚШ, Канада) кәсіби ерлер баскетбол лигасы. Солтүстік Американың алғашқы төрт кәсіби спорт лигаларының бірі. 1946 жылы Америка баскетбол қауымдастығы болып құрылып, кейіннен Ұлттық баскетбол лигасымен бірігіп Ұлттық баскетбол қауымдастығына айналды.

Ұлттық баскетбол қауымдастығы
Ұраны	Where Amazing Happens
Құрылуы	6 маусым,1946
Бас кеңсесі	Олимпик-тауэр, Нью-Йорк
Төрағасы	Адам Сильвер
Ресми торабы	http://www.nba.com/

Қауымдастық құрамы

2014 жылы қауымдастық құрамына географиялық ерекшеліктеріне байланысты Шығыс және Батыс конференцияларына бөлінетін 30 команда кірді. Ал конференциялар өз алдына бес командадан үш дивизионға бөлінеді. Бір маусым аралығында әр команда 82 кездесу өткізіп, нәтижесіне байланысты плей-офф кезеңіне іріктеледі. Плей-офф кезеңінде командалар олимпиадалық жүйе бойынша 4 жеңіске дейін ойнайды. Екі конференция чемпиондары ҰБҚ чемпионы анықталатын басты финалда кездеседі.

ҰБҚ табысы

2010 жылы ҰБҚ табысы 3,8 миллиард долларды құрады. Ал ҰБҚ ойыншыларының біржылдық орташа жалакысы 4,8 миллион долларды құрады. ҰБҚ-ның орталық кеңсесі Нью-Йорктегі Олимпик-тауэр ғимаратының 19 қабатында орналасқан.

Тағы қараңыз

• Баскетбол