Ұлықпан Мырзабайұлы Жолдасов

Ұлықпан Мырзабайұлы Жолдасов (1966 жылы 14 ақпанда Маңғыстау облысы Қарақия ауданында туған) — әнші, композитор, музыкалық продюсер. Қазақстанның еңбек сіңірген қайраткері (2016). Қарақия ауданының Құрметті азаматы (2016). Қазақстан Республикасының Мәдениет саласының Үздігі (2015).

Ұлықпан Мырзабайұлы Жолдасов
Туған күні	14 ақпан 1966 (1966-02-14) (58 жас)
Туған жері	Маңғыстау облысы Қарақия ауданы
Белсенділік жылдары	1983 - осы уақыт
Мемлекет	Қазақ КСР  Қазақстан
Мамандығы	әнші композитор музыкант музыкалық продюсер
Аспаптары	гитара фортепиано
Жанрлары	эстрада
Қызметтес болған	Саят Медеуов, Досымжан Таңатаров Тоқтар Серіков, Алтынай Жорабаева МузАРТ
Марапаттары	Қазақстанның еңбек сіңірген қайраткері

Толығырақ

Байұлы тайпасының Адай руынан шыққан.

• Ұлықпан Мырзабайұлы 1966 жылы 14 ақпанда Маңғыстау облысы Қарақия ауданында дүниеге келген.
• Шығармашылық жолын 1983 жылы Маңғыстау облыстық филармониясынан бастаған. Бүгінгі таңда қазақ эстрдасында 300ге жуық авторлық әндері мен композициялары бар. Мақпал Жүнісова, МузАРТ, Мәдина Сәдуақасова, "Нұр-мұқасан" және басқа да көптеген эстрада жұлдыздарының орындауындағы бұл әндердің көбісі дерлік тыңдармандардың көңілінен шыққан туындылар. Халықаралық, Республикалық байқауларда топ жарған әндері де жетерлік. Соның ішінде композитордың ҚР еңбек сіңірген қайраткері Алтынай Жорабаеваның орындауындағы "Махаббат маусымы" әні Голливудта өткен халықаралық байқайда гран-при жүлдесін жеңіп алды.

Шығармашылығы

• 2004 жылы Алматы қаласында Республика сарайында;
• 2005 жылы Астана қаласында Конгерсс-Холлда т.б көптеген қалаларда сазгерлік кештерін берген.

Жеке кештерімен және жеке жобаларымен Қытай, Моңғолия және Швецияда өнер көрсетті. 2015 жылы әлемдік музыкалық студиямен келісім-шарт жасалып, Ұлықпан Жолдасов Швеция астанасы Стокгольмге арнайы шақыртумен барды. Стокгольмде екі ай көлемінде жұмыс жасалып, әлемге әйгілі музыкалық продюсер Niklas Olsson композитордың авторлық әндерін өңдеп, өз студиясында жазып шықты.

• 2016 жылы 14 ақпанда Астана қаласы "Қазақстан Орталық концерт залында" композитордың 50 жас мерей тойы қңында "Өмір-өзен" атты композиторлық кеші өтті.

Марапаттары

• 2013 жылы "Маңғыстау облысына - 40 жыл" мерейтойлық медальі;
• 2015 жылы ҚР Мәдениет және спорт министрлігінің "Мәдениет саласының Үздігі" құрметті белгісі;
• 2016 жылығы 5 желтоқсанындағы елбасының жарлығы бойынша "Қазақстанның еңбек сіңірген қайраткері" құрметті атағымен марапатталған.
• 2016 жылы Маңғыстау облысының "Қарақия ауданының Құрметті азаматы" атағы берілді.

Отбасы

• жары Айған Сайлаубайқызы.
• қызы, эстрада әншісі Фарида Жолдасова. ол 5 жасынан бастап үлкен сахнада өнер көрсетіп келе жатыр. 13 жасынжа жеке альбомын шығарып, 2006 жылы Алматы қаласында (Республика сарайы (Алматы)нда), 2007 жылы Астана қаласында (Конгресс-Холда)өзінің жеке шығармашылық кешін берді.
• ұлы, музыкант Болат Жолдасов.