Ұлы Отан соғысы жауынгерлеріне ескерткіш (Астана)
Ұлы Отан соғысы жауынгерлеріне ескерткіш — Астана қаласындағы монументалды кешен.
| |
| Ұлы Отан соғысы жауынгерлеріне ескерткіш, (1995) | |
| қола, гранит. | |
| Астана, Жеңіс даңғылы, 35 |
Ұлы Отан соғысына қатысқан ақмолалық жауынгерлердің бейнесін сомдайтын мүсіндік композиция авторлары — мүсінші Валерий Пирожков, сәулетші Василий Тоскин.[1]
Қоладан жасалған мүсіндердің артындағы гранит қабырғада жан-жағынан «Айбынды жауынгер жерлестеріміздің ерлігіне арналады 1941 1945 Мужеству и доблести воинов-земляков посвящается», ал ортада «Майданға аттанған 9783 әскерилердің 7414-і Отан үшін жан қиды» жазулары жазылған.
Соғыс кезінде бұл өңірде 310-шы, 387-шы және 29-шы (кейіннен 72-шы гвардиялық) атқыш дивизиялары құрылған болатын.[2]
Жергілікті тарихи-мәдени маңызы бар ескерткіш Жеңіс даңғылы бойында, Қазақ ұлттық өнер университеті жанында орналасқан.
Дереккөздер өңдеу
- ↑ Елордада Ұлы Отан соғысының батырларына арналған 8 ескерткіш бар — «Егемен Қазақстан», 9.05.2020.
- ↑ Монументальный комплекс воинам Великой Отечественной войны Мұрағатталған 24 маусымның 2021 жылы. Бірлескен мұражайлар дирекциясы сайтында