Ұрыстық жабдықтау пункті

Ұрыстық жабдықтау пункті (орыс. Пункт боевого питания) — қару қабылдау, оқ-дәрі қорларын сақтау, оларды атысқа ішінара дайындау және олармен бөлімшелерді қамтамасыз ету үшін ұрыс қимылдары кезеңінде батальонда (ротада) ұйымдастырылатын ұрыстық жабдықтау пункті. Ұрыстық жабдықтау пунктіне бөлімшелерден жөнделмейтін және артық қару-жарақты, атылған оқсауыттарды кабылдау, байлап-түю және оларды эвакуацияға дайындау жүктеледі. Батальондык (роталық) Ұрыстық жабдықтау пунктін ұйымдастыру туралы шешімді батальон (рота) командирі қабылдайды. Жағдайға байланысты ол Ұрыстық жабдықтау пунктінің құрамын, уақытын және оның жайылу уақытын мен орналасу ретін анықтайды. Батальондық Ұрыстық жабдықтау пунктінің жұмыстарын батальонның қамтамасыз ету взводынын командирі, ал роталық Ұрыстық жабдықтау пунктінің жұмыстарын рота старшинасы басқарады.Ұрыстық жабдықтау пункті оқу-жаттығуларда және полигондар мен атыс алаңдарында ұрыстық және жаттығулық атыстар өткізу кезінде де құрылады.