Ұрыс шиеленісуі

Ұрыс шиеленісуі (орыс. Боевое напряжение) — авиациялық ұрыс шиеленісуі — белгілі бір уақыт ішінде (күн, түн, тәулік және т.б.) ұшаққа (тікұшаққа, бөлімшеге, бөлімге) шаққанда келетін ұшақтың (тікұшақтың) ұшу мөлшері. Оны ұрыстық міндеттің ерекшелігін, ұрыс құрамын, экипаждың мүмкіндік қарымын және ұшу аппараттарының ұшуға дайындалу уақытын, орналасуын, ауа-райы, жыл мен тәулік мезгілінің жағдайларын, материалдық, аэродромдық-техникалық, инженерлік-авиациялық қамтамасыз етілу жағдайын есепке ала отырып аға бастық тағайындайды. Ұрыс шиеленісуін есептеу кезінде ұрыс жарғыларымен белгіленген нормалар қолданылады.