Ұша үйту

Ұша үйту - көбінесе шошқаға тән жұмыс. Оның ұшасын терісін алмай өңдейді. Бірінші тәсіл бойынша қансыратудан соң шошқаның ұшасын конвейерден ыстық су (62-65 С) шараға түсіреді де, онда 3-5 минут ұстайды. Мұндағы мақсат теріден доңыз кылшықты және терінің сыртқы қабығын-эпидермисті бөліп түсіру. Бұдан кейін, доңыз қылшықтан түгелдей тазалау үшін тарақша машинкадан өткізеді, қалған доңыз қылшықты қолмен тазалайды. Әрі қарай ұша күйдіретін пешке түседі, онда 100 градус ыстықта 15-20 минуттай үйтеді. Үйтіліп болған ұшаны тазалайды және оңдап жуады, ішіндегі мүшелерді алып, етінен трихинеллезға зерттеу үшін сынама алады. Терісімен алынған ұша бекон етін дайындауға, ия болмаса жалпы ет дайындауға пайдаланылады.