Әбділда ақын

«Әбділда ақын» — М. Әуезовтің ақын Ә. Тәжібаевқа арнап жазған үш мақаласының алғашқысы. Мақала 1939 ж. 8 ақпанда «Социалистік Қазақстан» газетінде бірінші рет жарық көрді, кейін сол нұсқа бірен-саран орфографиялық түзетулер жасалып, жазушының 20 томдық шығармалар жинағына енгізілді (17-том, 148-бет). Автор онда Ә. Тәжібаевтың ақындық талантын ерте танып, үлкен үміт артқан, проза мен драматургия жанрларындағы қабілет-дарынына суйсінген. Өйткені ол «шыншыл, жалынды ақын», сондықтан оның поэзиясы - «тереңнен, жүректен, қайнар көзден шығып жатқан, жайлап ақ қан тас бұлақтай» мөлдір, таза екеніне баса назар аударған.