Әбдімәлік Әбдіқадырұлы Бұқарбаев

 Басқа мағыналар үшін Бұқарбаев деген бетті қараңыз.

Әбдімәлік Әбдіқадырұлы Бұқарбаев (14.02.1940, Ташкент) — Өзбекстанның белгілі монументалист-суретшісі, портретші, кескіндемеші. Ұлты — қазақ. Өзбекстан Республикасы Мемлекеттік сыйлығының лауреаты.

Өмірбаяны

• Ташкент көркемсурет училищесінің қолданбалы өнер бөлімін (1968) бітірген.
• Мәскеу театр-көркемсурет институтын (1973) бітірген.

Еңбектері

• Соңғы жылдары қазақ хапқының рухани-саяси өмірінде із қалдырған тұлғалардың бейнелерін салды, соның ішінде Әуезовтің әр жылдардағы 15 бейнелері топтамасын жасады. Оған ұлы жазушының әр жылдары түскен фотосуреттерін негіз етіп, 7 портретін салды. «

Мені қазағыммен қайта табыстырған Мұхаң - Әуезов дер едім. Бастауында Әуезов сынды алыптар тұрған қазақ әдебиетімен сусындадым. Тынысым ашылғандай, өзімді-өзім қайта танығандай болдым. Жер ортасы жасқа келіп қалғанда, осындай күй кештірген Мұхаң рухына рахмет

» дейді суреткер өзінің сұхбатында («Парасат», 1997, №8, 14-15-беттер).* Өзбекстанның көптеген ірі архитектуралық объектілері мен құрылыстарын безендіруге қатысқан. Ташкент метрополитеніндегі “Хамза” мен “Өзбекстан” стансаларын, “Чорсу”, “Тата” қонақ үйлерін, Ташкент радиотеледидар орталығын, Халықтар достығы сарайын әрлеуге қатысқан.

• 1990 жылдан өз халқының тарихы мен мәдениетіне, оның дана ойшылдарына ойысып, циклді портреттер жазған. Бұхарбаевтың портреттік галереясы Күлтегін, Асан Қайғы, әл-Фарабиден басталып, бүгінгі қоғам және өнер қайраткерлері Н.Назарбаев, Б.Төлегенова, Т.Әубәкіров, Ф.Оңғарсынова, т.б. қамтыған жүзден астам портреттер циклінен тұрады.
• Өзбекстанда, Қазақстанда, т.б. көптеген елдерде бірнеше рет суретшінің көрмесі ұйымдастырылған.

Марапаттары

• Екі дүркін Өзбекстан Мемлекеттік сыйлығы лауреаты (1976, 1982).
• "Құрмет белгісі" орденімен марапатталған.

  

  Жәнібек ханның суреті. Суретші Ә.Бұқарбаев