Әбдірасул Алдашұлы Жәрменов

Әбдірасул Алдашұлы Жәрменов (11 қаңтар, 1956 жылы Түркістан облысы, Бабайқорғанда туған) – қазақстандық өнертапқыш ғалым. ҚР Ұлттық Ғылым Академиясының академигі (2003). Техника ғылымдарының докторы (1991), профессор (1994).

Әбдірасул Алдашұлы Жәрменов
Туған күні	11 қаңтар 1956 (1956-01-11) (68 жас)
Туған жері	Түркістан облысы, Бабайқорған
Азаматтығы	Қазақстан
Ғылыми аясы	техника ғылымдары
Жұмыс орны	ҚР Ұлттық Минералдық шикізаттарды кешенді қайта өңдеу орталығының бас директоры
Ғылыми дәрежесі	ҚР Ұлттық Ғылым Академиясының академигі Техника ғылымдарының докторы, профессор
Альма-матер	С.М.Киров атындағы Қазақ мемлекеттік университетінің химия факултетін бітірген (1976).
Марапаттары	Құрмет ордені Қазақстан Республикасының Еңбек сіңірген өнертапқышы (2014)

ҚР Ұлттық Минералдық шикізаттарды кешенді қайта өңдеу орталығының бас директоры
Қазақстан Республикасының ғылым мен техника саласындағы Мемлекеттік сыйлығының екі мәрте лауреаты (2001, 2015жж). ҚР Еңбек сіңірген өнертапқышы (2014).

Толығырақ

• Әкесі -Жәрменов Апдаш (1909-1984), мақта бөлімшесінің бригадирі болып жұмыс істеген. Анасы - Жәрменова Рахима (1916-1992).
• С.М. Киров атындағы Қазақ мемлекеттік университетін химия мамандығы бойынша бітірген (1976), оқытушы.
• Техника ғылымдарының кандидаты (1982), докторы (1991).Докторлық диссертациясының тақырыбы: «Технологиялық ерітінділерден ауыспалы металлдардың тұздарын алу және тұздарды бөлу тәсілдері мен физикалық-химиялық негіздерін жасау». «Металлургия» мамандығы бойынша профессор (1994 жылдан).
• 5 монографияның, оның ішінде «Қазақстанның минералдық шикізатын кешенді қайта өңдеу» 10 томдық монографиясының (2003); 350-ден астам ғылыми жарияланымның, оның ішінде 250 ғылыми мақала, 80 өнертабыстың авторы.
• 1977-1993 жылдары - инженерден ҚазКСР ҒА химия-металлургия институтының жетекшісіне дейінгі қызмет жолын өткерген.
• 1985-1986 жылдары - ҚарМУ-дың кафедра меңгерушісі.
• 1993 жылдан - «Қазақстан Республикасында Минералдық шикізатты кешенді қайта өңдеу жөніндегі ұлттық орталығы» РМК-ның бас директорының орынбасары.
• 1999 жылдан бері - «Қазақстан Республикасында Минералдық шикізатты кешенді қайта өңдеу жөніндегі ұлттық орталығы» РМК-ның бас директоры.
• ҚР ҰҒА ОҚБ төраға орынбасары (1991-1993).
• Халықаралық минералдық ресурстар академиясының вице-президенті (2005 жылдан). ҚР ҰҒА вице-президенті (2006 жылдан). АҚШ Металлургтар жене материалтанушылар қоғамының (ТМЗ) (1995 жылдан) мүшесі.

Ғылыми атақтары

• 1982 жылы Техника ғылымдарының кандидаты (ғылыми атағы берілді);
• 1991 жылы Техника ғылымдарының докторы (ғылыми атағы берілді);
• 1994 жылы профессор (ғылыми атағы);
• 2004 жылдан Қазақстан Республикасының Ұлттық ғылым академиясының академигі;
• 1997 жылдан ҚР Ұлттық минералдық ресурстар академиясының академигі
• 2000 жылдан Халықаралық минералдық ресурстар академиясының академигі
• 2001 жылдан ҚР Ұлттық Инженерлік академиясының академигі.

Марапаттары

• 1980 жылы КСРОның Өнертапқышы құрметті атағы;
• 2000 жылы «Құрмет ордені»;
• 2001 жылы Қазақстан Республикасының ғылым мен техника саласындағы Мемлекеттік сыйлығының лауреаты;
• 2001 жылы ҚР Білім және ғылым министрлігінің «Ғылымды дамытуға сіңірген еңбегі үшін медалі»;
• 2003 жылы Платинды Тарлан тәуелсіз сыйлығының лауреаты;
• 2005 жылы Букетов атындағы халықаралық сыйлығының лауреаты;
• 2006 жылы Түркістан қаласының Құрметті азаматы;
• 2008 жылы «Астанаға 10 жыл» медалі;
• 2011 жылы «Қазақстан тәуелсіздігіне 20 жыл» медалі;
• 2011 жылы ҚР президентінің алтын белгісінің иегері;
• 2014 жылы Қазақстан Республикасының Еңбек сіңірген өнертапқышы (құрметті атағы);
• 2015 жылы елбасының қолынан Қазақстан Республикасының ғылым мен техника саласындағы Мемлекеттік сыйлығының лауреаты құрметті атағымен марапатталды (Астана,Ақорда 2015 жылы желтоқсан).

Жеке қасиеттері

• Діни көзқарасы - ұстамды ислам.
• Саяси қайраткер ретіндегі идеалы - Дж. Вашингтон, М. Ганди.
• Қазақстанның болашағы турапы болжамы - «Жақын арадағы 3-5 жылдың ішінде эксцестерді болдырмау қажет, сонда біз әлемнің неғұрлым дамыған 50 елінің қатарында боламыз».
• Хоббиі - құрылыс.
• Сүйіп оқитын әдебиеті - орыс және қазақ классикалық әдебиеті.

Жеке өмірі

Үйленген. Жұбайы - Жәрменова Зәуре Жоямергенқызы, кәсіпкер. Қыздары - Диана (1981 жылы туған), кәсіпкер, Жәния (1997 жылы туған); ұлдары - Алмас (1986 жылы туған), жетекші инженер. Адияр (1994 жылы туған).