Әбдіқамалов Оралбай

Әбдіқамалов Оралбай (1948, Жамбыл облысы). Экономика ғылымдарының кандидаты. Мәскеу экономика-статистика институтын бітірген (1975). 1975-1994 жылдары - ҚазКСР Мемлекеттік жоспары ЖжНҒЗСИ-нің экономисі, ғылыми қызметкері, аға ғылыми қызметкері, ҚазКСР Мемлекеттік жоспары агроөнеркәсіптік кешенінің (АӨК) бөлімше бастығы, жинақ бөлімінің бастығы, Мемлекеттік экономикалық комитетінде аумақтық дамудың жинақ бөлімінің бастығы, Қазақстан Республикасының Экономика Министрлігі аймақтық саясат басқармасының бастығы. 1994-1998 жылдары - Қазақстан Республикасы Президенті Аппаратының ұйымдастыру-бақылау басқармасының мемлекеттік инспекторы, Үкімет Аппаратының аумақтық даму бөлімі меңгерушісінің орынбасары, Қазақстан Республикасы Мемлекеттік мүлігі төрағасының орынбасары. 1997-2000 жылдары - Жамбыл облысы әкімінің орынбасары, Қазақстан Республикасы қоршаған ортаны қорғау және табиғи қорлар вице-министрі. 2000 жылдан - «Маңғыстаумұнайгаз» АҚ «Ұңғымахимжөндеу» ЖШС директоры.