Әбуов

ӘБУОВ Қасқырбай Әбуұлы (1936 ж.т., Арықбалық ауданы Қаракөл а.) — партия және кеңес қызметкері. Көкшетау қ-ның Құрметті азаматы. Целиноград а.ш. ин-тын, КОКП ОК жанындағы Жоғ. партия мектебін бітірген. Еңбек жолын 1955 ж. Рузаев ауданында меңгеруші болып бастаған. Чистополь ауданы партия к-тінің кадр бөлімінде есепші, жалпы бөлім меңгерушісі, Чистополь ауданы партия к-тінің 2-хатшы, Чистополь партия к-тінде нұсқаушы, ұйымдастыру бөлімінің меңгерушісі қызметтерін атқарған (1957 — 67). Арықбалық ауданы партия к-тінде хатшы , 2-хатшы (1967 — 73), Еңбекшілдер ауданы партия к-тінің 1-хатшысы (1973 — 85), Көкшетау облысы әлеум. қамсыздандыру бөлімінің меңгерушісі (1985 — 86) қызметтерін атқарған. 1986 жылдан Көкшетау облысы халықтық бақылау к-ті төрағасының орынбасары. Көкшетау облысы халық депутаттары кеңесінің депутаты болып сайланған. Еңбек Қызыл Ту, «Құрмет белгісі» ордендері, медальдармен марапатталған.
ӘБУОВ Қуаныш Қабиденұлы (1946 ж.т., қазіргі Айыртау ауданы Жұмысшы а.) — ғалым, экон. ғыл. канд. (1974), проф. (1991). Целиноград а. ш. (қазіргі Ақмола агр. ун-ті) ин-тын бітірген (1967). «Сырымбет» кеңшарында инженер (1967 — 70), Целиноград а. ш. ин-тында аспирант (1970 — 73). С. Сейфуллин атынд. Ақмола агр. ун-тінде аға оқытушы (1973 — 74), кафедра меңгерушісі, проректор (1974 — 80), ф-т деканы (1980 — 89) болды. 1989 жылдан кафедра меңгерушісі. Ә. 150-ден астам ғыл. еңбектің, 8 монография мен оқулықтың авторы. Медальдармен марапатталған.

Дереккөздер

"Қазақ Энциклопедиясы"