Әбуханов Ғабдірахим

Әбуханов Ғабдірахим (25.2.1912, Жәнібек ауданы, Ұзынкөл а. - 28.4.1995, Орал) - ғалым, филология ғылымдарының кандидаты (1955), Қазақстан жоғары мектебіне еңбек сіңірген қызметкер, бес рет қайта басылған «Қазақ тілі» оқулығының авторы. 1939 ж. Орал педагогика институтын үздік бітіріп, осы оқу орнының оқытушысы болған. 1944 ж. Жымпиты орта мектебінде директор, 1944-46 ж. Орал қаласындағы Мұғалімдердің білімін жетілдіру институтты директорының орынбасары. 1952-55 ж. ҚазМУ-дің аспирантурасында оқыған. 1955-58 ж. Ақтөбедегі Н. Байғанин атындағы педагогика институттың ректоры, 1958-75 ж. Орал педагогика институтында кафедра меңгерушісі, проректор болған. Бірнеше орденмен, медальдармен марапатталған.