Әбу Зейд Наср Хамид

Абу Зейд Наср Хамид (Abu Zayd, Nasr Hamid) (7 қазан, 1943, Танта, Мысыр), Мысыр ғалымы. Каир университетінде оқып, онда араб және ислам зерттеулері бойынша диссертация қорғайды. Оның Құран сөздеріне түсініктеме беру жөніндегі зерттеулері мен еңбектері және Ислам сөздеріне сын (1995) еңбегі кейбір ислам фундаменталистерін сынауға бағытталған. 1993 жылы Каир орталық мешітінде оны өзінің әріптесі айыптайды, ал ислам радикалдары оны Мысыр соты арқылы дін бұзыушылық әрекет танытты деп, некесін бұздырады (Мысыр заңы бойынша мұсылман әйел мұсылман емес еркекке тұрмысқа шыға алмайды). Сот шешім шығармағанмен, берілген шағым бойынша өткізілген сот Абу Зейдтің некесін бұздырады, ал Мысыр Жоғарғы соты бұл шешімді өзгеріссіз қалдырады. Бұл іс адам құқығын қорғаушылар мен зиялы қауым өкілдерінің назарын ерекше аударады. 1995 жылдан бері Абу Зейд әйелімен Нидерландта тұрады.