Әбілда Жынысбаев
Әбілда Жынысбаев (1892, Қарағанды облысы, Жаңаарқа ауданы – 1954, Шымкент облысы, Созақ ауданы, Шолаққорған ауылы) - Социалистік Еңбек Ері. Ұлты – қазақ.
Өмірбаяны
өңдеу- 1934 жылдан бастап әкесі Жынысбай бірге мал шаруашылығымен айналысқан. Кейінгі кезде Шымкент облысы, Созақ ауданы, "Қызыл әскер" колхозында шопан болып қызмет атқарған.
- 1953 жылдан Калинин совхозында бас шопан болып жұмыс істеген.
Өз біліктілігімен колхоз бен совхоздың малын көбейтіп отырған. 1947 өзінің білікті жігерлі еңбегінің арқасында 470 бас қойдан, 573 қозы өсірді. Әр қозының салмағы – 40 кг-нан болған. Өмірінің соңына дейін колхоз бен совхозда жұмыс істеген. Ол жастарға тәрбиесімен, еңбек шеберлігін үйрете білді.
Марапаттары
өңдеу- Партия мен билік өкілдері еңбегін бағалап, 1946 жылы 3 маусымда «Құрмет белгісі» орденімен марапатталған.
- 1948 жылғы 23 шілдеде Социалистік Еңбек Ері атағы берілді.
- 1948 жылы 22 қыркүйекте «Ленин» орденімен марапатталған[1].
Есте сақтау
өңдеу- Шолаққорған кентінде көше атауы берілген.
- Шолаққорған ауыл округінде орналасқан «Тәуелсіздік» саябағында Жынысбаев Әбілданың бюсті қойылған[2].
Дереккөздер
өңдеу- ↑ «Қазақстан»: Ұлттық энцклопедия / Бас редактор Ә. Нысанбаев — Алматы «Қазақ энциклопедиясы» Бас редакциясы, 1998 жыл. ISBN 5-89800-123-9
- ↑ Теріскейде Еңбек ерлері мен шертпе күй шеберлерінің аллеясы ашылды Мұрағатталған 21 наурыздың 2020 жылы.