Әбілмәжін Мұсайыпұлы Аюлов

Әбілмәжін Мұсайыпұлы Аюлов (1966 жылы туған, бұрынғы Көкшетау облысы Володар ауданы, (қазіргі Солтүстік Қазақстан облысы, Айыртау ауданы) Қопа) — ғалым, экономика ғылымдарының кандидаты (1995), доцент (1997), экономика ғылымдарының докторы (2008), профессор (2009), Гуманитарлы-техникалық академияның ректоры(2007).

Ә.М. Аюлов

Өмірбаяны

• 1990 жылы Көкшетау ауыл шаруашылығы институтының ауылшаруашылық механизация факультетін үздік аяқтады.
• 1990-92 жылдары Көкшетау ауыл шаруашылығы институтында ассистент.
• 1992-95 жылдары Ақмола ауылшаруашылық институтының ЭММ кафедрасындағы күндізгі бөлім аспирантурасының аспиранты.

• 1995-96 – «Экономикалық теория және кәсіпкерлік» кафедрасының аға оқытушысы, С.Сәдуақасов атындағы Көкшетау ауылшаруашылық институтының экономика факультетінің деканы.
• 1996 жылдан бастап Гуманитарлық-техникалық академияда (бұрынғы атауы –Көкшетау экономика және менеджмент институты) қызмет атқарып келеді.
• 1996-1997 жылдары экономика және менеджмент кафедрасының доценті.
• 1997-2000 жылдары — «Экономика және менеджмент» кафедрасының меңгерушісі.
• 2000-04 жылдары —Экономика факультетінің деканы.
• 2004 жылдан бастап — бірінші проректор.
• 2007 жылдан Көкшетау экономика және менеджмент институты ректоры.

Ғылыми еңбектері

360-тан астам ғылыми еңбектің, оның ішінде 5 монография мен 17 оқу құралының авторы. Оқу құралдары:

Стратегиялық менеджмент, 1999;

Өндірістік  менеджмент, 1999;

Қазақстан экономикасы: соңғы жылдардағы даму нәтижелері, 2003;

Экономикалық теория негіздері (оқу құралы), 2005;

Ауыл шаруашылығындағы техникалық сервис жүйесі: ұйымдастырушылық-экономикалық аспект (монография), 2007;

Ауыл шаруашылығындағы техникалық сервисті ұйымдастыру және ұйымдастыру (оқу құралы), 2008;

Қазіргі жағдайдағы ауыл шаруашылығы өндірісінің тұрақтылығы мәселелері (монография), 2011;

Ауыл шаруашылығында машинаны пайдалану мен техникалық сервисті ұйымдастыру (ғылыми басылым), 2011;

Қазақстан экономикасын басқару (оқу құралы),2013;

Қазақстан және оның өңірлерінің экономикасы (оқу құралы), 2013;

Шаруа-фермер қожалықтарының климаттың өзгеруіне технологиялық бейімделуі (монография), 2014;

Экономикадағы статистикалық әдістер (оқу құралы), 2015;

Adobe Captivate (I бөлім) бағдарламалық қамтамасыз етуді пайдалана отырып, электрондық білім беру курсын әзірлеу жөніндегі әдістемелік құрал, 2016;

Жоғары оқу орындарына арналған электрондық оқулық әзірлеу жөніндегі әдістемелік құрал, 2016;

Экономикадағы математикалық және статистикалық әдістер (оқу құралы), 2016;

Электрондық оқыту: ЖОО-да қолдану және енгізу жөніндегі нұсқаулық (оқу құралы), 2016 және т.б.

Марапаттары

• Қазақстан Республикасы Білім беру ісінің үздігі (2005).
• «Жоғары оқу орнының үздік оқытушысы» мемлекеттік грантының иегері (2015).
• «Қазақстан Республикасының Тәуелсіздігіне 20 жыл» медалімен (2011),
• «Қазақстан Республикасының білім беру ісінің құрметті қызметкері» төсбелгісімен (2005),
• Қазақстан Республикасы Президентінің Алғыс хаттарымен (2004 ж., 2022 ж.),
• Қазақ  КСРО ЛКЖО (1985), БЛКЖО ОК (1986) Құрмет грамоталарымен марапатталды.