Әбілғазы Қалиақпарұлы Құсайынов

	Әбілғазы Қалиақпарұлы Құсайынов;
20 қаңтар 2012 — 28 қаңтар 2013
Президент	Нұрсұлтан Әбішұлы Назарбаев
Ізашары	Серік Нығметұлы Ахметов
Ізбасары	Бауыржан Түйтеұлы Әбдішев
Өмірбаяны
Дүниеге келуі	6 ақпан 1952; Қарағанды облысы
	өңдеу

Әбілғазы Қалиақпарұлы Құсайынов (6 ақпан 1952, Тельман ауданы, Қарағанды облысы) – мемлекеттік қайраткер.

Өмірбаяны

1952 жылы 6 ақпанда Қарағанды облысының Тельман ауданы Майөзек кентінде туған. Арғын тайпасының Қуандық руының Мұрат бөлімінен шыққан^[1].

Қарағанды тау-кен техникумының тау-кен факультетін (1971) техник-шахта салушы мамандығы бойынша; Қарағанды политехникалық институтының автожол факультетін (1981) инженер-механик мамандығы бойынша; Ресей басқару академиясының саясаттану факультетін (1992) саясаткер (әлеуметтік-саяси мәселелер және байланыс бойынша кеңесші) мамандығы бойынша бітірген.

1971 жылдан - РКФСР Кемеров облысы Шерегеш кенішінің 5-ші разрядтағы үңгілеуші.
1972 жылдын - Кеңес Әскерінің қатарында қызметте.
1974 жылдан - «Қарағандыкөмір» бірлестігі «Долинская» шахтасының тау-кен шебері.
1975 жылдан - №2 тау-кен кәсіби техникалық училищесінің шебері, аға шебері (Қарағанды қаласы).
1980 жылдан - Қазақстан Компартиясы Киров аудандық комитетінің нұсқаушысы, бөлім меңгерушісі, аудандық атқару комитеті төра- ғасының бірінші орынбасары, Қарағанды облыстық комитетінің екінші хатшысы, бірінші хатшысы.
1991 жылдан - Қарағанды облысы Мемлекеттік баға және монополияға қарсы саясат комитетінің төрағасы.
1996 жылдан - ҚР Парламенті Сенатының депутаты, Заңнама және сот-құқықтық реформа комитетінің мүшесі.
1999 жылдың наурызынан - ҚР Парламенті Сенатының төрағасының орынбасары.
1999 жылдың желтоқсанынан - ҚР көлік және коммуникациялар вице-министрі . 2001 жылдан - ҚР Көлік және коммуникация министрлігі Автомобиль жолдары комитетінің төрағасы.
2002 жылдың наурызынан - ҚР экономика және сауда вице-министрі.
2002 жылдың қыркүйегінен - ҚР индустрия және сауда вице-министрі
2003 жылдан - ҚР Индустрия және сауда министрлігі Стандарттау, метрология және сертификаттау комитетінің төрағасы.
2005 жылдан - ҚР көлік және коммуникациялар бірінші вице-министрі.
2007 жылдың қазанынан ҚР Көлік және коммуникация министрлігінің жауапты хат шысы.
2009 жылдың наурызынан бері - ҚР көлік және коммуникациялар министрі.

ҚР Парламенті Сенаты 1-ші шақырылымының депутаты (өзін-өзі ұсынушы, 1995-1999). «Қазтеңізтасымалфлот» ЖАҚ Директорлар кеңесінің төрағасы (2000-2001); «Қазақстан темір жолы» ҰК» ЖАҚ Директорлар кеңесінің мүшесі (2002-2003); «Қазмырыш» ЛҚ Директорлар кеңесінің мүшесі (2003-2004).

Марапаттары

«Құрмет» ордені

Отбасы

Үйленген. Жұбайы - Құсайынова Ғалия Қадыржанқызы (1958 жылы туған), дизайнер. Қызы - Қымбат (1982 жылы туған), заңгер Ұлы - Арман (1984 жылы туған), экономист.^[2]

Дереккөздер

↑ Алтай шежіресі, жауапты редактор -- Хакім Омар, Құрастырушы Ісләмов Ібрахым (Жақан). Алматы, «Темірқазық» баспасы, 2014
↑ Қазақстан Республикасында кімнің кім екені - 2011 жыл. Екі томдық анықтамалық. Алматы, 2011 ІSВN 978-601-278-473-2

[1] Алтай шежіресі, жауапты редактор -- Хакім Омар, Құрастырушы Ісләмов Ібрахым (Жақан). Алматы, «Темірқазық» баспасы, 2014

[2] Қазақстан Республикасында кімнің кім екені - 2011 жыл. Екі томдық анықтамалық. Алматы, 2011 ІSВN 978-601-278-473-2

[1]

[2]