Әжіғалиев Дүйсенғали

Әжіғалиев Дүйсенғали (1915-1999, Атырау қаласы). Ұлы Отан соғысына қатысқан. Атырау мұнай техникумын бітірген (1936). КСРО мұнай өнеркәсібінің үздігі (1971). ҚазКСР-нің еңбек сіңірген өнертапқышы және рационализаторы (1972). 1936-1940 жылдары - Доссор, Ескене мұнай кәсіпшіпіктерінде оператор, шебер, өндіру цехының бастығы. 1946-1951 жылдары - Доссор МАБ ӨТБ бастығы. 1951-1963 жылдары - Құлсары бұрғылау кеңсесінде ӨТБ бастығы, бұрғылау учаскесінің бастығы. 1963-1983 жылдары - ұңғымаларды күрделі жөндеу кеңсесінде күрделі жұмыстардың инженері, ӨТБ бастығы, директор. «Қызыл Ту», III дәрежелі Даңқ, I дәрежелі Отан соғысы ордендерімен және медальдармен марапатталған.