Рахат Мұхтарұлы Әлиев

	Рахат Әлиев;
	; Әлиев, 2007 жыл
Лауазымы
9 ақпан 2007 — 26 мамыр 2007
Президент	Нұрсұлтан Назарбаев
Ізашары	Дулат Қуанышев
Ізбасары	Қайрат Әбдірахманов
21 маусым 2002 — шілде 2005
Президент	Нұрсұлтан Назарбаев
Ізашары	Сағынбек Тұрсынов
Ізбасары	Дулат Қуанышев
шілде 2005 — 9 ақпан 2007
Президент	Нұрсұлтан Назарбаев
Премьер-Министр	Даниал Ахметов; Кәрім Мәсімов
Президент	Нұрсұлтан Назарбаев
Өмірбаяны
Білімі	1) Алматы мемлекеттік медицина институты; 2) Әділет
Ғылыми дәрежесі	Медицина ғылымдарының докторы, Экономика ғылымдарының докторы
Мамандығы	дәрігер хирург, құқықтанушы заңгер
Дүниеге келуі	10 желтоқсан 1962 ; Алматы, Қазақ КСР, КСРО
Қайтыс болуы	24 ақпан 2015 (52 жас); Йозефштадт ауданы, Вена, Аустрия
Жұбайы	1. Дариға Назарбаева; (некеде 1983-2007, ажырасқан) ; 2. Эльнара Мұратханқызы Шоразова; (некеде 2009 жылдан бастап)
Балалары	1-некеден ; ұлдары ; Нұрәлі (1985 ж.т.); Айсұлтан; (1990–2020); қызы ; Венера (2000 ж.т.); 2-некеден ; ұлы ; 2008 ж.т.
	өңдеу

Әлиев Рахат Мұхтарұлы (10 желтоқсан, 1962 жыл, Алматы – 24 ақпан 2015 жыл, Вена) — қазақстандық іскер және саясаткер.

Қысқаша өмірбаяны

1962 жылы туған. Орта жүздің қоңырат тайпасының Жаманбай руының Киікші бөлімінен.^[1]^[2]

Алматы мемлекеттік медицина институтын, «Әділет» жоғары заң мектебін бітірген. Медицина және экономика ғылымдарының докторы. Ағылшын тілін меңгерген. Төтенше және Өкілетті І сыныпты Уәкіл дипломатиялық дәрежесі бар.

1986–1993 жылдары ғылыми жұмыспен айналысты.

1993–1996 жылдары кәсіпкерлік қызметте.

1996–1997 жылдары Қазақстан Республикасы Мемлекеттік салық комитетінің Салық полициясы Бас басқармасы бастығының бірінші орынбасары.

1997–1998 жылдары Алматы қаласы Салық полициясы департаментінің басқарма бастығы, Қазақстан Республикасы Қаржы министрлігінің Салық полициясы департаментінің директоры.

1998–1999 жылдары Бірінші вице-министр — Мемлекеттік кіріс министрлігінің Салық полициясы комитетінің төрағасы.

1999–2000 жылдары ол — Алматы қаласы мен Алматы облысы бойынша ҰҚК департаментінің бастығы.

2000–2001 жылдары — ҰҚК Төрағасының Бірінші орынбасары.

2001–2002 жылдары — Қазақстан Республикасы Президентінің Күзет қызметі бастығының орынбасары.

2000 жылдан бастап Қазақстан футбол одағының қоғамдық негіздегі президенті.

2002–2005 жылдары — Қазақстан Республикасының Аустрия Республикасындағы Төтенше және Өкілетті Елшісі. Сонымен бірге Қазақстан Республикасының Словения, Хорватия, Македония, Сербия және Черногориядағы Төтенше және Өкілетті Елшісі қызметін қоса атқарушы. Қазақстанның Вена қаласындағы халықаралық ұйымдар жанындағы Тұрақты Өкілі.

2005–2007 жылдары ол — Қазақстан Республикасы Сыртқы істер Министрінің Бірінші орынбасары.

2005 жылғы тамыздан бастап — Қазақстан Республикасының ЕҚЫҰ-мен ынтымақтастық мәселелері жөніндегі арнайы өкілі.

2007 жылғы ақпаннан — Қазақстан Республикасының Аустрия Республикасындағы Төтенше және Өкілетті Елшісі.

2007 жылғы 26 мамырдан — Ішкі істер министрі Бауыржан Мұхамеджанов Қазақстан Республикасының «Мемлекеттік қызмет туралы» Заңының 26-бабы 4-ші тармағын басшылыққа ала отырып, Мемлекет басшысының атына Қазақстан Республикасының Аустрия Республикасындағы Төтенше және Өкілетті Елшісі, ҚР-ның Вена қаласындағы халықаралық ұйымдар жанындағы Тұрақты Өкілі, Еуропадағы қауіпсіздік пен ынтымақтастық жөніндегі ҚР-ның арнаулы өкілі Рахат Әлиевті қызметтерінен босату туралы ҚР Бас прокурорымен келісілген ұсыныс түсірді. Онда Р.Әлиевтің ҚР Қылмыстық кодексінің 3-бөлімінің 125-бабында көзделген — «өзінің жеке мүддесі үшін ұйымдасқан топтың әрекетімен адамдарды ұрлау, адамдардың өмірі мен денсаулығына қауіп төндіретін екі және одан да көп адамдарға бірнеше мәрте қару қолдану және зорлық-зомбылық көрсету» бойынша айыпталып отырғаны айтылған.

Нұрсұлтан Назарбаевтың 2007 жылғы 26 мамырдағы №333 Жарлығымен Рахат Әлиев Қазақстан Республикасының Аустрия Республикасындағы Төтенше және Өкілетті Елшісі қызметінен, Қазақстан Республикасының Вена қаласындағы халықаралық ұйымдар жанындағы Тұрақты Өкілі қызметінен босатылды. Елбасы Нұрсұлтан Назарбаевтың Өкімімен Рахат Әлиев Еуропадағы қауіпсіздік пен ынтымақтастық жөніндегі ұйыммен ынтымақтастық мәселелері жөніндегі Қазақстан Республикасының арнаулы өкілі қызметінен босатылды.

2007 жылғы 28 мамырда Рахат Әлиевке халықаралық іздеу жарияланды. Бас прокуратураның санкциясымен оны тұтқындауға ұйғарылды.

2015 жылғы 24 ақпанда Рахат Әлиев түрмеде қайтыс болды. Алдын ала мәлімет бойынша, ол өзіне-өзі қол жұмсаған.^[3]

Марапаттары

II дәрежелі «Данқ» ордені мен «Қазақстан Республикасының Парламентіне 10 жыл» юбилейлік медалінің иегері. 2008 жылдың 20 cәуіріндегі ҚР Президентінің нұсқауымен барлық марапаттаудан, "қаржы полициясының генерал-майоры" арнайы атағынан, "генерал-майор" әскери атағынан және елшілік дәрежелерінен айырылды.

Отбасы жағдайы

Бұрынғы зайыбы Дариға Назарбаевамен (Нұрсұлтан Назарбаевтың қызы) үш бала: Нұрәлі Рахатұлы 1985 жылғы, Айсұлтан Рахатұлы 1990-2020, Венера Рахатқызы, 2000 жылғы.

Дереккөздер

[1] ttp://titus.kz/print.php?id=1512

[2] ttps://m.facebook.com/groups/516658875198020?view=permalink&id=1268659066664660

[3] ttp://kaz.tengrinews.kz/kazakhstan_news/rahat-aliev-avstriya-turmesnde-kaytyis-boldyi-260305/

[1]

[2]

[3]