Әлібек Ақылбекұлы Темірбеков

Әлібек Ақылбекұлы Темірбеков 1960 жылы 25 қаңтарда Шығыс Қазақстан облысы Большенарым ауданының Ново-Хайрузовка ауылында туған. Қазақ. Әкесі -Темірбеков Ақылбек(1936 жылы туған), зейнеткер. Анасы - Темірбекова Кулкаш Нұрғазықызы (1936 жылы туған), зейнеткер. С.М. Киров атындағы Қазақ мемлекеттік университетінің заң факультетін бітірген (1988), құқықтанушы; С.М. Киров атындағы Қазақ мемлекеттік университетінің аспирантурасын бітірген (1992). Заң ғылымдарының докторы (2006). Докторлық диссертациясының тақырыбы: «Жаһандану жағдайында Қазақстан Республикасындағы қылмысқа қарсы курестің теориялық проблемалары». «Қазақстан Республикасының қылмыстық құқығы бойынша қылмыс құрамының субъективті белгілері» көмекші оқу құралының (2003), «Жаһандану жағдайындағы құқықтық шынайылық және қылмыс (теориялық-криминологиялық аспект)» ғылыми басылымының (2004), «Жаһанданудың әлеуметтік мәніндегі қылмыс: теориялық-криминологиялық зерттеу» монографиясының (2005) және т.б. авторы. Қазақ, орыс және ағылшын тілдерін (сөздіктің көмегімен) біледі. 1977 жылдан - ШҚО Большенарым ауданының Парамоновка ОМ мұғалім. 1978 жылдан - Кеңес Әскерінің қатарында қызметте. 1980 жылдан - С.М. Киров атындағы зауытта жұмысшы. 1983 жылдан - С.М. Киров атындағы Қазақ мемлекеттік университетінің студенті. 1988 жылдан - С.М. Киров атындағы Қазақ мемлекеттік университеті заң факультетінің қылмыстық құқық кафедрасының ассистенті, аспиранты. 1992 жылдан - ҚР Конституциялық соты төрағасы орынбасарының көмекшісі, кеңесшісі. 1994 жылдан - әл-Фараби атындағы Қазақ мемлекеттік университеті заң факультетінің қылмыстық құқық кафедрасының аға оқытушысы, доценті. 2002 жылдан - әл-Фараби атындағы Қазақ ұлттық университеті заң факультеті деканының оқу ісі жөніндегі орынбасары. 2006 жылдан бері - ҚР Конституциялық Кеңесі аппаратының басшысы. «Заңгерлер әділ сайлау үшін!» Республикалық қоғамдық бірлестігі төрағасының орынбасары. «Құрмет» орденімен (2008); «Қазақстан Конституциясына 10 жыл», «Астананың 10 жылдығы» мерейтой медальдарымен марапатталған.

• Әскери атағы - аға лейтенант.
• Қазақстанның болашағы туралы болжамы - «Гүлденген демократиялық, зайырлы, құқықтық және әлеуметтік мемлекет».
• Хоббиі - кітап оқу, спорт.
• Сүйіп оқитын әдебиеті - А. Құнанбаев, М. Әуезов, М. Мақатаев, А.С. Пушкин, М.Ю. Лермонтов, С.А. Есенин, И. Губерман, О. Хайям және басқалар.
• Үйленген. Жұбайы - Темірбекова Максима Нұриқызы (1958 жылы туған), педагог. Қыздары - Айжан (1990 жылы туған), студент, Айя (1994 жылы туған), оқушы.