Әлім Пшемахұлы Кешоков

Кешоков Әлім Пшемахұлы (22.7.1914, Қабарда-Балқар Республикасы, Чегем ауданы Шалуша ауылы) – Қабарда-Балқар Респ. халық ақыны (1964), Соц. Еңбек Ері (1990). Ұлы Отан соғысына қатысқан. Солт. Кавказ пед. ин-тын (1935), КОКП ОК-ті жанындағы Қоғамдық ғылымдар академиясын (1953) бітірген. Алғашқы шығармалары 1934 жылдан жариялана бастады. “Тау етегінде” атты тұңғыш өлеңдер жинағы 1941 ж. жарық көрді. “Салт аттының сапары” (1946), “Жастық өлкесі” (1968), “Өлеңдер мен поэмалар” (1946), “Киелі тас” (1964), т.б. шығармаларында Кешоков қабарда-балқар халықтарының бейбіт өмірін бейнеледі. К. бірқатар прозалық және драм. шығармалар да жазды. “Ғажайып кезең” атты романында (1 – 2 кіт., 1960) тау халықтарының 1917 жылғы Қазан төңкерісі кезіндегі бастан кешкен қиындықтарын суреттеді. Кешоковтың “Тау етегінде” (1941), “Жастық өлкесі” (1948), “Жаңа үйде” (1956), “Киелі тас” (1964), “Тавро” (1969), “Батыр тостағаны” (1977), т.б. өлеңдер мен поэмалар жинағы, тарихи тақырыпқа жазылған “Құздар қалғымайды” (1 – 2 кіт., 1960 – 66), “Ай туды” (1977), “Алмұрт түсі” (1980), “Әмірге арналған алдаспан” (1988) романдары жарық көрді. “Сынған таға” романы қазақ тіліне аударылып, (1987, ауд. Д.Нұрмұханбет, Т.Жанаев) кітап болып шықты. РКФСР Мемл. сыйл. лауреаты (1968), 5 орденмен және медальдермен марапатталған. [1]

Дереккөздер:Өңдеу

  1. Қазақ энциклопедиясы