Әмбар бибі, Анвар бибі, Әнуар бибі - Қарабура әулиенің қызы, Сүлеймен Бақырғанидың жұбайы. Әмбар бибі өте сұлу, әрі ақылды, көріпкел әулие болғанға ұқсайды. Әмбар бибінің өмірі жайлы жазылған жеке деректер жоқ. Әмбар бибінің алғашқы өмір серігі - Хакім Ата Сүлеймен Бақырғани болады. Хакім Ата мен Әмбар бибіден үш ұл дүниеге келеді. Үлкенінің аты Мухаммед Қожа, ортаншысы Асқар Қожа, кенжесі Хубби Қожа. Хакім Ата үлкен екі ұлы - Мухамед Қожа мен Асқар Қожаны өзінің отаны Хорезмдегі атақты ұлама Жарулладан дәріс алуға жөнелтеді. Кішкене ұлы Хубби Қожаны өзінің қасында Бақырған қыстағында алып қалады..

...Күндердің күнінде Зеңгі Ата сүйікті ұстазы Хакім Атаның дүниеден өткенін естіп, Ташкенттен Хорезмге барып ұстазының қабіріне зиярат еткеннен кейін Әмбар бибіге саушы жібереді. Әмбар бибі мен Хакім Ата некесінен кейін басқа некеде болуды қаламаймын деп жауап береді. Осы кезде Әмбар бибінің мойны қисайып қалады. Содан кейін Зеңгі Баба Хакім Атаның "Менен де қара адаммен өмір қосасың" деп кереметі арқылы білдірген сөзін, саушы арқылы Әмбар бибінің есіне салады. Хакім Атаның кереметін Зеңгі Атананың да білетіндігін сезген Әмбар бибі Зеңгіге тұрмысқа шығуға келісім береді. Әмбардің мойны қалпына келеді. Деректерде Тараздағы Айша бибі де Әмбар бибінің қызы екен дейді. Зеңгі Ата мен Әмбар бибінің некелесуі жайлы "Хакім Ата" кітабында көптеген рубаяттар айтылған.

Зеңгі Ата 1258 жылы өмірден өтеді. Ташкентке жақын жердегі Зеңгі Ата қыстағына жерленеді. Әмбар бибінің қабірі де осы жерде.[1]

Дереккөздер өңдеу

  1. "Созақ өңірі". Сүлеймен Тәбірізұлы. - Алматы: "Дәуір" баспасы, 2007 ж. ISBN 9965-749-84-1.