Әнуар Исмаилов

Әнуар Исмаилов (1938 жылы туған, Сарыағаш ауданы) – әскери қызметкер, тарих ғылымының докторы (1989), профессор(ы) (1991). Рига қаласындағы Қызыл Тулы Жоғары артиллериялық инжинерлік училищені (1962), Мәскеу қаласындағы Әскери-саяси академияның адъюнктурасын бітірген (1976). 1962 – 91 жылдары Байқоңыр космодромында, Семейдегі ракета әскерлерінде қызмет істеді, Ташкент Жоғары танк командалық училищесінде қоғамдық ғылымдар кафедрасының бастығы болды. 1991 – 97 жылдары Қазақ химия-технологиялық институтында профессор, кафедра меңгерушісі, проректор. 1997 жылдан ҚР шекара әскерлері әскери институтының профессоры. ҚР Президенті жанындағы Қазақстан стратегиялық зерттеулер институтының жетекші ғылыми қызметкері, Оңтүстік Қазақстан мемлекеттік университетінде кафедра меңгерушісі. «Қызыл Жұлдыз», «Құрмет белгісі» ордендерімен, медальдармен марапатталған.