Әпке

Әпке - бірге туған, туысқан қыздардың жас жағынан үлкеніне катысты туыстық атау. Дәстүрлі ортада қыздар туыстық жағынан іні-сіңлісіне әпке, ағасына қарындас, әпкесіне сіңлі болады. Кейбір жергілікті тілдік ерекшеліктерге байланысты әпке сөзінің орнына әпеке, әпше, тәте, aпa деген атаулар да колданылады.

Сондай-ақ, әпке сөзі ауызекі тілде өзінен жасы үлкен қыздар мен әйелдердің, туыстық қатынасы ескерілмей-ақ, назарын аударту үшін құрметпен айтылатын қаратпа сөз ретінде жиі қолданылады. Туыстас қыздардың балалары бір-біріне бөле болады. Қазақтың туысқандық қарым-қатынасында қыздар ұрпағы жиен, жиеншар болып келеді. Халық дәстүрі бойынша нағашыға жиен батым келеді.