Әріптік белгілеулер

Әріптік белгілеулер — сандарға (тек сандарға емес!) амалдар қолдануды, есте ұстауға және қолдануға ыңғайлы түрде жазуға мүмкіншілік жасайды. Әріптермен белгілеудің тиімділігін мына мысал сөйлемдерден айқын байқауға болады:

• Екі санның қосындысының квадраты: $~(a+b)^{2}$,
• Екі санның квадраттарының қосындысы: $~a^{2}+b^{2}$
• Екі санның кубтарының айырымы мен қосындысының бөліндісі: $~{\frac {a^{3}-b^{3}}{a^{3}+b^{3}}}$

Әріптер арқылы тек заңдылықтарды ғана жазу ыңғайлы емес, сонымен қатар ережелерді де "тұжырымдау" қолайлы.

1591 жылы француз математигі Франсуа Виет (1540 - 1603) алғаш рет белгісіз шамалар мен теңдеудің коэффициенттерін әріптермен белгілеуді ұсынған. Осының нәтижесінде теңдеулердің қасиеттерін және олардың түбірлерін жалпы формула бойынша өрнектеу мүмкін болды, оған қоса әртүрлі амалдар қолдану да ыңғайлы әрі жеңілдей түскен.