Әсел Әділқызы Қарауылова

Әсел Әділқызы Қарауылова (1969 жыл 17 шілде Алматы қаласы) - журналист.

Әкесі - Қарауылов Әділ Зияұлы, жеке кәсіпкер. Анасы - Қисанова Ботагөз Атымтайқызы, жеке кәсіпкер.

Әл-Фараби атындағы Қазақ мемлекеттік университетінің журналистика факультетін (1991) журналист мамандығы бойынша Қазақстандағы менеджмент, экономика және болжамдау институтының іскерлік әкімшілік факультетін (1994), МВА (Master of Business Administration); Миссури Коламбия университетін (АҚШ, 2000), МРА (Master of Public Affairs) бітірген.

Қазақстан Журналистика академиясының академигі. Қазақстанның БАҚ-да журналистика, РR, коммуникативтік технологиялар, материалдық емес активтерді басқару тақырыбында жазылған көптеген жарияланымдардың авторы.

Қазақ, орыс және ағылшын тілдерін біледі.

1988-1991 жылдары - Республикалық «Ленинская смена» газетінің штаттан тыс тілшісі. 1993 жылдан -ЮСАИД АҚШ Халықаралық даму агенттігінің Берсон-Марстеллер компаниясының әлеуметпен байланыс бойынша менеджері.

1995 жылдан бері - Қазақстан Баспасөз клубының президенті. 2002 жылдан бері - Promo Group Communications агенттігінің бас директоры.

РR кәсіпқойлары клубының президенті . Әлеуметпен байланыс жөніндегі ұлттық ассоциацияның (ӘБҰА) тең құрылтайшысы; Қазақстан Журналистика академиясының тең құрылтайшысы. Американың ЖОО бітірушілер клубының мүшесі; КМЭБИ бітірушілер кеңесінің мүшесі Қоғамдық мәселелерді талдау орталығының Қорғаншылық кеңесінің мүшесі.

Әйелдер қауымының жетістіктерін қоғамның тонып мойындауы бойынша «Ажар» Ұлттық сыйлығының лауреаты (2006). ҚР Президентінің жеке Алғысына ие болған (2002).

Діни көзқарасы - агностик.

Саяси қайраткер ретіндегі идеалы -X . Клинтон.

Қазақстанның болашағы туралы болжамы - «Шынайы нарықтық экономика дамитын болса, шикізатқа тәуелділіктен құтылғанда және азаматтық қоғам орныққан жағдайда тұрақты эволюциялық жолмен дамитын болады».

Хоббиі - қазақстандық авторлардың өнер туындыларын жинау.

Сүйіп оқитын әдебиеті - әдебиеттегі импрессионизм (В. Вульф, Дж. Джойс), А.А. Ахматованың поэзиясы Ф.-С. Фицджеральдтың және Г.-Г. Маркестің прозасы.

Тұрмыс құрған. Жұбайы - Ақанов Ардақ Мәрленұлы, консалтинг агенттігінің директоры. Ұлы - Ақанов Арслан (1991 жылы туған); қызы - Ақанова Дәрия (1999 жылы туған).[1]

Дереккөздер өңдеу

  1. Қазақстан Республикасында кімнің кім екені - 2011 жыл. Екі томдық анықтамалық. Алматы, 2011 ІSВN 978-601-278-473-2