Әсет Жұмашұлы Иманбаев

Әсет Жұмашұлы Иманбаев - 1981 жылы 23 қыркүйекте Семей облысы Үржар ауданы Үржар кентінде туған. Қазақ. Әкесі - Иманбаев Жұмаш Тәңірбергенұлы (1959 жылы туған), спорт мектебінде жаттықтырушы. Анасы - Әткешева Сайраш Қапасқызы (1961 жылы туған), үй шаруасымен айналысады. Л.Н. Гумилев атындағы Еуразия ұлттық университетінің дене шынықтыру факультетін бітірген (2004), дене шынықтыру пәнінің оқытушысы. Қазақ және орыс тілдерін біледі. «Нұр Отан» ХДП мүшесі (2004 жылдан). Жастар арасында әлемнің екі мәрте чемпионы (2000, 2001), Азия (2003, 2004) чемпионы; Азия ойындарының чемпионы (2002). Грек-рим күресі бойынша халықаралық кластағы спорт шебері. «Ерен еңбегі үшін» (2002) медалімен марапатталған. «Жыл адамы» атағын алған (2002).

Діни көзқарасы - мұсылман.
Саяси қайраткер ретіндегі идеалы - Н.Ә. Назарбаев.
Қазақстанның болашағы туралы болжамы - «Қазақстанның соғыссыз өркендеуі».
Хоббиі - бильярд, автокөлік.
Сүйіп оқитын әдебиеті - діни кітаптар.

Үйленген. Жұбайы - Иманбаева Әсел Қадырханқызы (1982 жылы туған), ағылшын тілі пәнінің оқытушысы. Қызы - Жұмашева Адиля (2004 жылы туған).