Әсия Орынбаева

Әсия Орынбаева - 1956 жылы 5 қыркүйекте бұрынғы Көкшетау облысы Қызылту ауданының Күрлеуіт ауылында дүниеге келген. 1973 жылы онжылдық мектепті тамамдағаннан кейін еңбек жолын аудандық «Қызыл ту» және «Красное знамя» газеттерінде аудармашы болудан бастаған.

Еңбек жолы

ҚазМУ-дың журналистика факультетін сырттай оқып бітірген. 1987 жылдан бастап баспа саласында, республикалық «Мектеп», «Жеті Жарғы», «Экономика», «Қазығұрт» баспаларында редакторлық қызмет атқарды. Қазақстан Республикасы Баспа және полиграфия ісінің қайраткері. Қазір ХҚЭДО (Халықаралық қаржы-экономикалық даму орталығы) Сынып жетекшісінің анықтамалығын журналында аудармашы-редактор.

Еңбектері

«Назерке» (1996), «Қызғаныш» (2001), «Қоштасу алтыбақаны» (2006) атты хикаят пен әңғімелерден тұратын жинақтары жарық көрген. Аударма саласында да тәжірибесі мол. М. Горькийдің «Артамоновтардың ісі», Г. Флобердің «Бувар мен Пекюше» шығармаларын, көптеген оқулықтарды, тарихи кітаптарды тәржімалаған.