Әскери құрама

Әскери құрама— мемлекеттің Қарулы Күштеріндегі ірі тактикалық бөліктердің жалпы атауы. Әскери құрамалар тұрақты және уақытша, ал құрамы мен атқаратын міндетіне қарай шұғыл, шұғыл-тактикалық және тактикалық міндеттерді атқаруға арналған, сондай-ақ жалпыәскери және арнаулы (авиациялық, артиллериялық, танктік тағы басқа) түрлерге бөлінеді. Қазақстанның Қарулы Күштері құрылымында әскери құрамалардың бригада, дивизия, корпус тәрізді қазіргі заманғы қалыптасқан түрлері бар. Бригада — бірнеше әскери бөлімдерден құралған, полктан үлкен, дивизиядан кіші құрама. Дивизия — полктардан немесе жеке батальондардан құралатын негізгі тактикалық құрама. 18 ғасырдың бас кезінде пайда болды. Корпус — ең жоғары тактикалық құрама екінші дүниежүзілік соғыс кезінде армиялық, атқыштар, механикалық, танк, атты әскер және тағы басқа корпустар, кейде су үсті эскадрилиялары, корабльдер шұғыл-тактикалық әскери құрамаға кірген.[1]

ДереккөздерӨңдеу

  1. Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет.ISBN 9965-893-73-Х

Құрама