Әуе-десант дайындығы

Әуе-десант дайындығы (орыс. воздушно-десантная подготовка) — әуе-десант әскерлерін парашютпен түсуге және қарсылас тылында жауынгерлік міндетті орындауға үйрету. Оған парашютпен түсу, әуе-десант техникасы мен әскери-көліктік ұшақтардың, теориялық негіздерін оқу, парашютті жинау, десант түсіру үшін әскери техника мен материалдық құралдарды дайындау, оларды ұшақтарға тасу және жерге қонудан кейін әзірлікке келтіру, жеке құрамды ұшақтарға (тікұшақтарға) отырғызу тәртібі мен секіруге үйрету қамтылады. Әуе-десант дайындығының маңызды бөлімі парашютпен жаттықтыратын секірулер болып табылады және әскери тактикалық жаттығуларда практикалық десант түсіру кезінде жетілдіріледі. Әуе десанты құрамында әрекет жасауға арналған басқа әскерлер түрлері және жеке құрамы қысқартылған бағдарлама бойынша осындай дайындықтан өтуі мүмкін.