Өгізтіл

Өгізтіл, анхуза (лат. Anchusa) – айлауықтар тұқымдасына жататын бір, екі және көп жылдық шөптесін өсімдіктер. Қазақстанда Жетісу (Жоңғар), Іле және Күнгей Алатауларының тау беткейлерінде, далалы алқаптар мен құмды жерлерде өсетін 3 түрі бар. Олардың биікт. 40 – 100 см. Өсімдіктің сыртын қатты, ұзын қылтанды түктер жапқан. Сабағы жуан, бұтақты, тік өседі. Ұзынша жапырақтары қандауыр тәрізді. Тостағанша жапырақшалары бес тілімді, күлтелері түтікшелі-қоңырау тәрізді. Көгілдір, сары, сиякөк, сирек ақ түсті гүлдері шашақ гүлшоғырына топталған. Мамыр – шілде айларында гүлдеп, шілде – тамызда жеміс салады. Жаңғақтары жұмыртқа тәрізді, қисық, кедір-бұдырлы, төм. жағында үшкірлеу қыры болады. Бір өсімдік 10 мыңға дейін жаңғақша береді, оларды негізінен құмырсқалар таратады. Ө-дің арасында ара бал жинайтын түрлері де бар.

дәрілік өгізтіл
Ғылыми топтастыруы
Дүниесі: Өсімдіктер Бөлімі: Гүлді өсімдіктер Табы: Қос жарнақтылар (unranked) Asterids Сабы: Incertae sedis Тұқымдасы: Boraginaceae Тегі: Anchusa L.
Үлгілік түрі
Anchusa officinalis
түрлері
40 түрі белгілі