Өкпешілдік

Өкпешілдік – адам бойындағы жағымсыз сезім. Өкпешілдік жүйке жүйесі қажыған, сәл нәрсеге қабақ шытып, көңілі толмай уайымдай беретін, ұсақ-түйекке мән бергіш адамдардың әлсіз сезімі (эмоциясы) ретінде көрінеді. Өкпешіл адам аса сезімтал кісі, соның салдарынан оның жаны тез “жараланғыш” келеді. Өкпешілдіктің белгілері кейбір ересек адамдарда, көбінесе жас балаларда, сондай-ақ меланхоликтерде жиі кездеседі. Қозу мен тежелу секілді жүйке процестерінің әлсіздігі, олардың бір-біріне тең келмеуі өкпешілдіктің физиологиялық негізі болып табылады.