Өмірбек Мөрәліұлы Шәменов

Өмірбек Мөрәліұлы Шәменов - 1953 жылы 11 наурызда Қызылорда қаласында туған. Қазақ. Әкесі - Шәменов Мөрәлі (1916-1974), Финн және Ұлы Отан соғыстарының ардагері, Қызылорда облыстық кәсіподақтар кеңесінің төрағасы, Шиелі аудандық газетінің бас редакторы, Қызылорда облысы Жалағаш ауданының «Еңбек Қызыл Ту коммунизм» кеңшарының директоры болған. Анасы - Шәменова Ақшонық Ақанайқызы (1921-2002), Қызылорда облысы Жалағаш ауданының «Қаракеткен» ауылдық кеңесінің төрағасы болған. Еңбек Қызыл Ту орденді Қазақ ауылшаруашылық институтының машиналарды жөндеуді ұйымдастыру және технологиясы факультетін бітірген (1985), инженер-механик. Облыстық және республикалық басылымдарда жарияланған 25-ке жуық мақаланың авторы. Қазақ және орыс тілдерін біледі. «Нұр Отан» ХДП мүшесі (1999 жылдан).

• 1972 жылдан - Қызылорда облысы Жалағаш ауданының «Коммунизм» кеңшарында гидротехник.
• 1974 жылдан - Кеңес Әскерінің қатарында қызметте.
• 1976 жылдан - «Қызылордажөндеусуқурылыс» тресінің 9-ЖМК еңбек және жалақы жөніндегі инженері, экономист, шебер, учаске бастығы.
• 1981 жылдан - Қызылорда облысы «Күрішкеңшарқұрылыс» тресінің 17-ЖМК бас инженері.
• 1983 жылдан - Қызылорда облысы «Облжөндеуқұрылыс» тресінің РҚБ бастығы.
• 1985 жылдан - Қызылорда авто-басқармасының Жалағаш АКК бастығы.
• 1987 жылдан - Қызылорда облысы Жалағаш ауданындағы «Коммунизм» кеңшарының директоры.
• 1993 жылдан - Қызылорда облысы М. Шәменов атындағы ұжымдық шаруашылығының (кейіннен - М. Шәменов атындағы ЖШС) төрағасы.
• 2007 жылдан - Қызылорда облысы Жалағаш ауданының әкімі.
• 2010 жылдан бері - Қызылорда облыстық Жолаушылар көлігі және автомобиль жолдары басқармасының бастығы. Қызылорда облыстық мәслихатының депутаты (1999-2007). «Құрмет» орденімен (2001), «Тыңға 50 жыл» (2005), «Қазақстан Парламентіне 10 жыл» (2006) медальдарымен марапатталған.

Әскери атағы - запастағы аға лейтенант.
Діни көзқарасы - мұсылман діні.
Саяси қайраткер ретіндегі идеалы - Н.Ә. Назарбаев.
Қазақстанның болашағы туралы болжамы - «Өркендеген, кемел, саяси түрақты, тәуелсіз мемлекет».
Хоббиі - балық аулау, аңшылық.
Сүйіп оқитын әдебиеті - ғылыми бейіндегі көркем әдебиет.

Үйленген. Жұбайы - Шәменова Сәуле. Ұлы - Шәменов Асылбек Өмірбекүлы. Немерелері - Ағжан, Нұртұлға, Ақмаржан.