Өркен спорттық кешен

"Өркен", әмбебап спорттық кешен (Талдықорған). Сәулетшісі В.Карагин. 1993 ж. желтоқсанда пайдалануға берілген. Бүгінгі күні "Өркен" спорт кешені Алматы облысындағы таңдаулы спорт базаларының бірі, облыстық, қалалық БЖСМ-рі, Талдықорған қаласының спорт секциялары осында жаттығады. Бір күнде 1400 адам шұғылдана алады. Түрліше мәдени-бұқаралық, тартымды және спорттық шаралар тұрақты өткізіледі. Жылына 307 мың адам шұғылдануға мүмкіндігі бар, олардың 60 % -ы мектеп жасындағы балалар мен жеткіншектер 40% -ы Ж.о.о-ры, колледждердің оқушылары және қаланың түрліше мекемелердегі денсаулық топтары. Спорт кешенінде: жан-жақты пайдаланылатын көлемі 36 х 18 метрлік зал, 18 х 18 м. арнайы бокс залы, 36 х 18 м. күрес залы; 25 х 14 м., 12 х 6 м. ванналармен жүзу бассейндері; дайындық жаттығуларын өткізу үшін 18 х 18 метрлік зал; 21 хб метрлік тренажерлік зал бар.