Өріс (атырап, аймақ, разрядтар тобы)

Өріс (атырап, аймақ, разрядтар тобы) (Поле (область, зона, группа разрядов); field, key) — 1) мәліметтер базасында — файл жазбасының дербес мағынасы бар қызметтік бөлігі, яғни кесте түріндегі базаның бір бағанасы. Объект құрылымының атаулы бөлігі, мысалы, мәліметтердің, баспа құжатының және т.б.; жазбаның элементар мәліметтер енгізетін бөлігі; ақпараттық мағынасы бар ең аз мәліметтер жиыны. Ол программаларда мәліметтер элементі ретінде өңделеді; мәтінді, графикалық элементтерді, беттің нөмірлерін және баска мәліметтерді құжатқа автоматты түрде кірістіруге арналған кодтар жиыны. Мысалы, Date өрісі ағымдағы датаны, ал Time өрісі ағымдағы уақытты көрсетеді; 2) белгілі бір мақсатта пайдалануға арналған экранный, бланкінің, басылған құжаттың немесе мәліметтер жинақтауыштарының арнаулы бөлігі; 3) жеке өңделетін машиналық сөздің немесе машиналық команданың разрядтар тобы, хабар бөлігі; 4) экранның белгілі бір мақсатта пайдаланылатын бөлігі (жартысы), жұп және тақ нөмірлі екі өріс толық кадрды құрайды.

Өріс (айнымалы) атауы

Өріс (айнымалы) атауы (Имя поля; field (variable) name) — мәліметтер базасындағы — бағана (өріс) атауы, мысалы, адрестер тізімінде пайдаланылатын қала мен аудан аты және пошталық индекс өріс атауының мысалы бола алады.

Өріс типі

Өріс типі (тип поля; field type) - берілген мәліметтер жиыны үшін орындалуы мүмкін операциялар тобын анықтайтын, яғни оларды ұқсастыратын атау немесе құжатта өрісті қолдану нәтижесі. Сандық, мәтіндік (символдық), мерзімдік (даталық), логикалық және т.б. өріс типтері болады.