Өт қышқылдары

Өт қышқылдары — стероидты монокарбон қышқылдары. Өт қышқылдары адам мен жануарлардың бауырында холестериннен пайда болып, өтпен бірге ұлтабарға өтеді. Химиялық құрамы бойынша өт қышқылдары — хола қышқылының С₂₃Н₃₉СООН туындалары, хола қышқылынаң айырмашылығы - гидроксил тобының қосылғаны.

Адам өтінде өт қышқылдарынан холь қышқылы, аз мөлшерде дезоксихоль, литохоль, хенодезоксихоль қышқылдары болады. Өт қышқылының адам мен жануарлар организмнің майды қорытып сіңірудегі маңызы зор. Олар аш ішекте майды гидролиздейтін липаза ферментін активтендіреді, майларды ұсақ май түйіршіктеріне ыдыратып, эмульсияға айналдырады. Еруі қиын май қышқылдарының кальций тұздарымен байланысып, тез еритін комплекстер түзеді. Ішектегі өт қышқылдарының басым көпшілігі вена қақпасы арқылы бауырға өтеді. Өт қышқылдары қанда 0,8 мг %, бауыр өтінде 0,9-1,8 % болады. Қандағы өт қышқылдарының артық мөлшері зәр арқылы шығарылады. Өт қышқылдары жануарлар өтінен алынады. Олардан дәрі-дәрмек жасалады.^[1]

Дереккөздер

↑ Қазақ Совет энциклопедиясы, 1976 жыл, Алматы,9 том,78 бет

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.

[1] Қазақ Совет энциклопедиясы, 1976 жыл, Алматы,9 том,78 бет

[1]