Өчпочмак

Өчпочмак, үшпұшпақ (тат. өчпочмак — үшбұрыш) — салмасы қой, қаз немесе үйрек етінен, пияз және картоптан тұратын татардың ашыған кейде ашымаған қамырдан дайындайтын, көмбелеп пісірілетін ұлттық самса сияқты бәліші. Салма шикі өнімдерден дайындалып, пісіру үдерісі екі кезеңнен тұрады. Бірінші кезеңде сырты майланған дайындамалар тұмшапешке салынып, жарты сағаттай көмбеленеді. Осыдан кейін дайындамалар пештен шығарылып, ортасындағы ашық тесіктерге тұздалған, бұрышталған бір немесе екі қасық ет сорпасы құйылады да, дайындама сырттарына жұмыртқа жағылып, қайтадан отқа көмбеленеді. Піскен өчпочмак ішіне тағы да сорпа құйылып, сыртына май жағылады.