1812 жылғы Францияның одақтық шарттары

Париж одақ шарттары - 1812 жылы Ресейге шабуыл жасау алдындағы Францияның одақтас елдерімен жасалған келісім-шарттары.

Франция мен Пруссия арасындағы шарт

Бұл келісім шарт Франция мен Пруссия арасында 1812 жылы 24 ақпанда жасалған. Одақтық шарттары бойынша Пруссия Францияны қолдап, Ресейге қарсы соғысқа қатысуға мәжбүр болды. Пруссияның королы Фридрих Вильгельм III абыржу жағдайында Франциямен де , Ресеймен де құпия келіс сөз жүргізді. Александр I орыс әскерлерін Пруссияға көмекке жіберуден бас тартқанына байланысты ол Наполеон ұсынған шартқа көнді. Париж одақ шарттары бойынша Франция мен Пруссия өз территорияларын сақтауды және келусішінің бірі басқамен соғысса, оған әскери көмек беру белгіленді. Пруссия Англияға қарсы бағытталған континенталдық блокаданы ұстауға келісті.Пруссия Францияның Түркия, Италия және Испаниямен соғыстарына қатыспауға рұқсат алды. Соғыс конвенциясы бойынша Ресейге қарсы шабуылға қатыстыру үшін Пруссия 20 мыңдық корпусты Наполеонға берді, өзінде қалатын әскерінің 20 мыңнан аспауы белгленді. Француз әскері соғыс кезінде Силезиядан тыс Пруссия жерлерінен тоқтаусыз өтуге және тұрақтауға құқылы болды.

Франция мен Австрия арасындағы шарт

Франция мен Австрия арасында 1812 жылы 14 наурызда қол қойылды, мазмұны жоғарыдағы шартқа тектес. Австрия Францияға 30 мың әскер беруге келісті, екі ел Ресейге қарсы соғыста Польшаға тәуелсіздігін әперу, Галицияны Австрияның құрамына қалдыруға келісті. Наполеон жеңілісімен Париж одақ шарттары жойылып, Пруссия, Австрия Францияға қарсы аттанды