28 Аптадан Кейін

	28 Аптадан Кейін
	28 Weeks Later
Жанры	Қорқынышты фильм; Постапокалиптика; Зомби апокалипсис; Триллер; Драма
Режиссёрі	Хуан Карлос Фреснадильо
Продюсері	Энрике Лопес-Лавайн; Эндрю Макдональд; Аллон Райх
Сценарийдің авторы	Роуэн Джоффе; Хуан Карлос Фреснадильо; Э.Л. Лавайн; Иисус Олмо
Басты рөлдерде	Роберт Карлайл; Роуз Бирн; Джереми Реннер; Гарольд Перрино; Кэтрин Маккормак; Макинтош Маглтон; Имоджен Путс
Операторы	Энрике Чедьяк
Композиторы	Джон Мёрфи
Кинокомпания	20th Century Fox
Ұзақтығы	99 минут
Бюджеті	15 миллион $
Кассалық түсімі	64.2 миллион $
Мемлекет	Ұлыбритания; АҚШ; Испания
Тілі	ағылшын
Шыққан жылы	2007
Алдыңғы фильм	28 Күннен Кейін
IMDb	ID 0463854
	http://www.foxinternational.com/28weekslater/ және https://www.foxmovies.com/movies/28-weeks-later

«28 Аптадан Кейін» (ағылш. 28 Weeks Later) — 2007 жылғы Хуан Карлос Фреснадильоның қорқынышты фильмі, «28 Күннен Кейін» фильмінің сиквелі.^[3]^[4]^[5]^[6]^[7] Бұл фильмнің оқиғасы бірінші фильмнің оқиғасының жалғасы болып табылады. Фильмнің тұсаукесері Ұлыбритания мен АҚШ-та 11 мамыр 2007 жылы болды.

Сюжет

Алдыңғы фильмде сипатталған оқиғаның нәтижесінде қаһар вирусы Ұлыбританияның барлық дерлік тұрғындарын жойды. Фильм аман қалған азғантай адамдар тобының құпия баспанасынан басталады, кейін ол жерге бәрібір вирус жұқтырғандар басып кіреді. Вирус жұқтырғандардың басқыншылығына ұшыраған үйден Дон жалғыз өзі әйелі Эллисті сол үйде тастап аман-есен шыға алды.

Эпидемия басталғаннан бастап 5 аптадан кейін вирус жұқтырғандардың барлығы аштықтан өледі, 11 аптадан кейін НАТО құрамымен бірге АҚШ әскері Лондонға кіреді, 24 аптадан кейін елді қалпына келтіру жұмыстары басталды. Фильмнің негізгі оқиғалары эпидемия басталғаннан бастап 28 аптадан кейін болады.

Аман қалғандар мен репатрианттар АҚШ әскерінің қорғауындағы Лондонның ауданы — «жасыл аймақ»-та орналасқан. Донға оның балалары — Энди есімді ұл мен Тэмми есімді қызы қайтып оралады. Олар эпидемия уақытында шетелде демалыста болатын. Дон оларға аналарының қайтыс болғанын айтады, бірақ өзінің аналарын тірідей тастап кеткенін жасырып, аналарын жұқтырғандар өлтірді деп айтады.

Энди өзінде ең болмаса анасының бір суреті болғанын қалайды, балалар жасырын түрде жасыл аймақтан шығып, өздерінің ескі үйіне барады. Олар ол жерде өздерінің тірі анасын табады. Балалардың ізіне түскен әскерлер балалар мен олардың анасын тауып, оларды жасыл аймаққа алып кетеді.

Жасыл аймақта дәрігерлер аналарында вирус жұқтырғандардың тістеген іздерін анықтайды. Кейін ол әйел вирусты симптомсыз тасымалдаушы екені анықталады. АҚШ әскері генералы ол әйелді қауіпті деп танып, жоюға шешім қабылдайды. Бірақ, сол кезде Дон әйеліне келіп одан сатқындық үшін кешірім сұрап, ернінен сүйеді. Сүйіскен кезде вирус сілекей арқылы Донға жұғады, Дон вирус жұқтырады, әйелін өлтіреді, және бостандыққа шығып барлық адамдарға шабуыл жасайды. Сол арқылы вирус тізбекті реакция арқылы тарала бастайды.

Дабыл қағылғаннан кейін әскери адамдар тұрғындарды қауіпсіз баспаға қамайды, сол жерге Эндиде кіреді. Дон қауіпсіз баспаға кіріп вирусты адамдарға тарата бастайды. Шулаған халық абыр-сабырға беріліп, есікті бұзып сыртқа ұмтылады. Әскери адамдар бірқатар уақыт тек қана вирус жұқтырғандарды анықтап, соларды ғана атады, бірақ вирус өте жылдам таралғандықтан генерал бүкіл тұрғындарды жоюға бұйрық береді.

Энди баспанадан желдету құбыры арқылы аман шығып тәтесімен және биолог Скарлетпен кездеседі. Скарлеттің басты мақсаты не болсада балаларды аман алып қалу, өйткені балалардың қанында аналарынан тараған ерекше ген үлгісі бар және сол арқылы вирустан вакцина жасап шығаруға болады деп ойлайды. Оларға аман қалуға мерген сержант Дойл көмектеседі. Олар бұл аймақтан аман-есен шығады, өйткені бұл жерді әскери ұшақтар өртеп жіберген.

Дойлдың артынан оның досы ұшқыш Флинн тікұшақта келеді, бірақ ол тікұшағына балалар мен биолог Скарлетті алудан бас тартады. Сол кезде оларға әскери ұшақтан өртенген «Жасыл аймақтан» аман қалған вирус жұқтырғандар шабуыл жасайды. Ұшқыш Флин олардың көбісін тікұшақ қозғалтқышымен жояды. Олар Уэмбли стадионында кездесуге келісіп, Флинн ұшып кетеді.

Әскерилер енді «Жасыл аймақтан» тыс жерлерді вирус жұқтырғандардан химиялық қарумен және отшашармен тазалауға кірісті. Дойл және басқалары химиялық түтіннен және вирус жұқтырғандардан көлікке кіріп аман қалады, бірақ отшашар ұстаған әскерилер жақындап келе жатыр, ал көлік оталмайды. Сонда Дойл сыртқа шығып, көлікті артынан итереді. Көлік орнынан қозғалғаны сол еді отшашар ұстаған әскерилер оны тірідей өлтіреді. Скарлет көлікті айдап кетеді, көлікке әскери тікұшақ оқ жаудырады.

Метроға келген соң Скарлет Дойлдың мылтығымен және балалар төменге түседі. Қараңғыда олар бір-бірін жоғалтады. Оларды Дон тауып, Скарлетті өлтіріп, Эндиді тістейді. Тэмми әкесін мылтықтықпен өлтіруіне тура келеді. Вирусқа бағынбаған, бірақ сонда да вирус жұқтырған Энди және тәтесі Тэмми стадионға жетеді. Ол жерде оларды ұшқыш Флинн күтіп тұрған еді. Флиннға ешкім әлі балалардың ерекше генін айтып үлгерген жоқ еді. Флинн балаларды Ла-Манш бұғазынан өткізіп Францияға жеткізуге шешім қабылдайды.

28 күн өтеді. Флиннің бос тікұшағы және құлаққапта француз тілінде көмек шақырған дауыс көрсетіледі. Вирус жұқтырғандар Эйфель мұнарасы алдынан жүгіріп өтеді.

Рөлдерде

Актёр	Рөлі
Имоджен Путс	Тэмми Харрис
Макинтош Маглтон	Энди Харрис
Джереми Реннер	сержант Дойл
Роберт Карлайл	Дональд «Дон» Харрис
Роуз Бирн	майор Скарлет Росс
Кэтрин Маккормак	Элис Харрис
Гарольд Перрино	ұшқыш Флинн
Идрис Эльба	генерал Стоун
Гарфилд Морган	Джефф

Дереккөздер

↑ 28 Weeks Later (2007). American Film Institute. Тексерілді, 19 қазан 2018.
↑ 28 Weeks Later (2007) - Financial Information. The-numbers.com. Тексерілді, 27 қыркүйек 2015.
↑ «28 Weeks Later» brings back «the infected» (and some pretty contagious action)
↑ As American forces attempt to rebuild Britain following the events of the first film, the rage virus strikes again.
↑ Thrills and ills epidemic as sequel proves infectious
↑ Directed by Juan Carlos Fresnadillo and starring Robert Carlyle, Catherine McCormack and Rose Byrne. Мұрағатталған 7 ақпанның 2012 жылы.
↑ 28 Weeks Later, By Kurt Jensen , Catholic News Service. Басты дереккөзінен мұрағатталған 5 қараша 2012.(қолжетпейтін сілтеме) Тексерілді, 15 ақпан 2013.

Сілтемелер

28 Аптадан Кейін (ағыл.) Internet Movie Database сайтында

[AFI-1] 28 Weeks Later (2007). American Film Institute. Тексерілді, 19 қазан 2018.

[2] 28 Weeks Later (2007) - Financial Information. The-numbers.com. Тексерілді, 27 қыркүйек 2015.

[seattletimes.com-3] «28 Weeks Later» brings back «the infected» (and some pretty contagious action)

[guardian.co.uk-4] As American forces attempt to rebuild Britain following the events of the first film, the rage virus strikes again.

[nydailynews.com-5] Thrills and ills epidemic as sequel proves infectious

[sbs.com.au-6] Directed by Juan Carlos Fresnadillo and starring Robert Carlyle, Catherine McCormack and Rose Byrne. Мұрағатталған 7 ақпанның 2012 жылы.

[catholicnews.com-7] 28 Weeks Later, By Kurt Jensen , Catholic News Service. Басты дереккөзінен мұрағатталған 5 қараша 2012.(қолжетпейтін сілтеме) Тексерілді, 15 ақпан 2013.

[3]

[4]

[5]

[6]

[7]

[1]

[2]